Assessment Year 2026-27-க்கான வருமான வரி தாக்கல் செய்யும் காலக்கெடு ஆகஸ்ட் 31-வுடன் முடிந்தது. காலதாமதமாக ITR தாக்கல் செய்பவர்கள் டிசம்பர் 31 வரை வாய்ப்பு பெற்றாலும், அபராதம் மற்றும் சில முக்கிய வரி சலுகைகளை இழக்க நேரிடும்.
வருமான வரி தாக்கல் செய்யும் (ITR Filing) முக்கிய காலக்கெடுவான ஆகஸ்ட் 31 கடந்துவிட்டது. தவறியவர்கள் வருமான வரி சட்டத்தின் கீழ் இன்னும் தாக்கல் செய்ய வாய்ப்பு இருந்தாலும், சில நிதி சிக்கல்களை சந்திக்க வேண்டியிருக்கும்.
அபராதம் மற்றும் வட்டி விவரங்கள்
பிரிவு 139(4)-ன் கீழ் நீங்கள் டிசம்பர் 31, 2026 வரை belated return தாக்கல் செய்யலாம். இதற்கு பிரிவு 234F-ன் கீழ் அபராதம் விதிக்கப்படும்:
- மொத்த வருமானம் ₹5 லட்சத்திற்கு மேல் இருந்தால்: அபராதம் ₹5,000.
- மொத்த வருமானம் ₹5 லட்சத்திற்கு குறைவாக இருந்தால்: அபராதம் ₹1,000.
மேலும், நிலுவையில் உள்ள வரிக்கு மாதம் 1% வட்டி (பிரிவு 234A) வசூலிக்கப்படும். தாமதம் ஆக ஆக இந்த வட்டி சுமை அதிகரித்துக்கொண்டே செல்லும்.
நீங்கள் இழக்கப்போகும் முக்கிய சலுகைகள்
தாமதமாக தாக்கல் செய்வதால் ஏற்படும் மிகப்பெரிய பாதிப்பு, உங்களின் Capital Loss அல்லது Business Loss-ஐ அடுத்தடுத்த ஆண்டுகளுக்கு கொண்டு செல்லும் (Carry Forward) உரிமையை நீங்கள் இழப்பீர்கள். இது எதிர்கால லாபத்தில் வரியை குறைக்கும் வாய்ப்பை பறித்துவிடும்.
பிற காலக்கெடு மற்றும் ITR-U
தணிக்கை (Tax Audit) செய்ய வேண்டிய நிறுவனங்களுக்கு அக்டோபர் 31 மற்றும் டிரான்ஸ்பர் பிரைசிங் அறிக்கைகளுக்கு நவம்பர் 30 வரை கால அவகாசம் நீட்டிக்கப்பட்டுள்ளது. ஒருவேளை நீங்கள் தவறுதலாக தகவல்களை அளித்திருந்தால், ITR-U (Updated Return) மூலம் திருத்தலாம். ஆனால், இதற்கு அசல் வரியுடன் 25% முதல் 70% வரை கூடுதல் வரி கட்ட வேண்டியிருக்கும் என்பதை நினைவில் கொள்ளுங்கள்.