Options Trading-ல் ஏற்பட்ட நஷ்டத்தை ஈடுகட்ட முயன்று, **₹38 லட்சம்** வரை இழந்து கடனாளியான IT ஊழியரின் சோகம். ஆப்ஷன்ஸ் டிரேடிங்கின் ஆபத்துகளை விளக்கும் எச்சரிக்கை செய்தி.
ஒரு 35 வயது IT ஊழியர், சுலபமாக பணம் சம்பாதிக்கலாம் என நினைத்து ஆப்ஷன்ஸ் டிரேடிங்கில் (Intraday Options Trading) இறங்கி, கடைசியில் ₹38 லட்சம் வரை கடனாளியாக மாறிய சம்பவம் பெரும் அதிர்ச்சியை ஏற்படுத்தியுள்ளது. பங்குச்சந்தையில் முறையான திட்டமிடல் இன்றி நுழையும் பலருக்கும் இது ஒரு பெரிய பாடம்.
எப்படி தொடங்கியது இந்த வீழ்ச்சி?
தனது சக ஊழியர் ஆப்ஷன்ஸ் டிரேடிங்கில் லாபம் பார்ப்பதை பார்த்ததும், இவரும் தனது சேமிப்பை கொண்டு இதில் இறங்கியுள்ளார். ஆரம்பத்தில் சில சிறிய லாபங்கள் கிடைத்தன. ஆனால், சந்தை அவருக்கு எதிராக திரும்பியபோது, நஷ்டத்தை ஒத்துக் கொள்ளாமல், அதை ஈடுகட்ட மீண்டும் மீண்டும் டிரேடிங் செய்துள்ளார். இதைத்தான் 'Revenge Trading' என்று சொல்கிறார்கள். இந்த மனநிலையில் செயல்படும்போது, லாஜிக்காக யோசிப்பதற்கு பதிலாக, எப்படியாவது நஷ்டத்தை எடுக்க வேண்டும் என்ற பதற்றத்தில் பெரிய அளவிலான ரிஸ்குகளை எடுக்கத் தொடங்குகிறார்.
கடன் சுமை மற்றும் மன அழுத்தம்
தன்னிடம் இருந்த பணத்தை இழந்த பிறகு, விடாமல் கடன் வாங்கி டிரேடிங்கில் முதலீடு செய்துள்ளார். வீட்டை புதுப்பிப்பது போன்ற காரணங்களைக் கூறி வங்கிகளில் பர்சனல் லோன் (Personal Loan) பெற்று, அதை பங்குச்சந்தையில் கொட்டியுள்ளார். இறுதியில், சந்தையில் ஏற்பட்ட சரிவு அவரது ஒட்டுமொத்த முதலீட்டையும் காலி செய்தது. இன்று அவர் கையில் இருப்பது வெறும் கடன் மற்றும் வட்டி சுமை மட்டுமே.
கவனிக்க வேண்டிய உண்மைகள்
SEBI வெளியிட்ட சமீபத்திய தரவுகளின்படி, ஈக்விட்டி Futures & Options பிரிவில் வர்த்தகம் செய்யும் 10 சில்லறை முதலீட்டாளர்களில் 9 பேர் நஷ்டத்தையே சந்திக்கிறார்கள். குறுகிய காலத்தில் அதிக லாபம் தரும் என்ற கவர்ச்சியான விளம்பரங்களை நம்பி, ரிஸ்க் மேனேஜ்மென்ட் தெரியாமல் இதில் ஈடுபடுவது தற்கொலைக்கு சமம்.
முதலீடு என்பது நிறுவனங்களின் வளர்ச்சி மற்றும் அடிப்படை மதிப்பை (Fundamentals) நம்பி நீண்ட காலத்திற்கு செய்ய வேண்டியது. ஆனால், இதுபோன்ற speculative வர்த்தகம் என்பது ஒரு சூதாட்டம் போன்றது. பணம் சம்பாதிப்பதை விட, இருக்கும் மூலதனத்தை (Capital) பாதுகாப்பதே ஒரு சிறந்த முதலீட்டாளருக்கு அழகு என்பதை இந்தச் சம்பவம் உரக்கச் சொல்கிறது.