PF பணத்தை எடுப்பவர்களுக்கு முக்கிய அறிவிப்பு! வரும் 2026-27 நிதியாண்டு முதல், பழைய Form 15G மற்றும் 15H படிவங்களுக்குப் பதிலாக, புதிய 'Form 121' கட்டாயமாக்கப்படுகிறது.
EPF சந்தாதாரர்கள் தங்கள் பிஎஃப் தொகையை முன்கூட்டியே எடுக்கும்போது, வரி விலக்கு பெறுவதற்காகப் பயன்படுத்தி வந்த பழைய முறைகளில் EPFO ஒரு முக்கிய மாற்றத்தைக் கொண்டு வந்துள்ளது.
இனி என்ன மாற்றம்?
வரும் 2026-27 நிதியாண்டு முதல், இதுவரை நடைமுறையில் இருந்த Form 15G மற்றும் Form 15H படிவங்கள் முழுமையாக நீக்கப்படுகின்றன. அதற்குப் பதிலாக Form 121 என்ற ஒரே ஒரு ஒருங்கிணைந்த படிவம் அறிமுகப்படுத்தப்படுகிறது. இது வயது வரம்பின்றி அனைத்து பிஎஃப் சந்தாதாரர்களுக்கும் பொதுவானது.
முக்கிய விதிமுறைகள் என்ன?
படிவத்தின் பெயர் மாறினாலும், வருமான வரிச் சட்டத்தின் அடிப்படை விதிகள் அப்படியேதான் உள்ளன. Income Tax Act-ன் பிரிவு 192A-ன் கீழ், 5 ஆண்டுகள் தொடர்ச்சியான சேவைக்கு முன்பாக பிஎஃப் தொகையை எடுத்தால், அதற்கு TDS பிடிக்கப்படும். இதைத் தவிர்க்க, உங்கள் ஆண்டு வருமானம் வரி வரம்பிற்குள் தான் உள்ளது என்பதை இந்த புதிய Form 121 மூலம் முறையாகத் தெரிவிக்க வேண்டும்.
கவனத்திற்கு:
இந்த படிவத்தைச் சமர்ப்பிப்பது மட்டுமே தானாக வரி விலக்கை (TDS Exemption) தந்துவிடாது. படிவத்தில் தவறு இருந்தால் அல்லது வருமானத் தகுதி இல்லையென்றால், சிஸ்டம் தானாகவே TDS பிடித்துவிடும். எனவே, படிவத்தை நிரப்பும் போது உங்கள் ஆண்டு வருமானத்தை மிகவும் கவனமாகச் சரிபார்த்து சமர்ப்பிக்கவும். பிஎஃப் பணத்தை எடுக்கும் சந்தாதாரர்கள், இனி வரும் காலங்களில் ஆன்லைன் போர்ட்டலில் இந்த புதிய படிவத்தைப் பயன்படுத்தத் தயாராக இருங்கள்.