HSBC நடத்திய புதிய ஆய்வின்படி, இந்தியாவில் உள்ள **96%** வசதியான முதலீட்டாளர்கள் தங்களின் ரிட்டையர்மென்ட் முறையை மாற்றியமைக்கத் தொடங்கியுள்ளனர். வழக்கமான ஓய்வு காலத்தை விட, வாழ்க்கையின் வெவ்வேறு நிலைகளில் மாற்றங்களைச் செய்யும் வகையிலான Flexible நிதித் திட்டங்களுக்கே இவர்கள் முக்கியத்துவம் கொடுக்கின்றனர்.
இந்தியாவின் வசதி படைத்த முதலீட்டாளர்கள் நிதித் திட்டமிடலில் ஒரு பெரிய மாற்றத்தைக் கொண்டு வருகின்றனர். HSBC-ன் சமீபத்திய ஆய்வின்படி, கல்வி, வேலை, ஓய்வு என்ற பழைய பாணி வாழ்க்கை முறை இப்போது வலுவிழந்து வருகிறது. அதற்குப் பதிலாக, கரியர் மாற்றம், தொடர் கற்றல் மற்றும் ரிட்டையர்மென்ட் பிளானிங் ஆகியவற்றை ஒரே நேரத்தில் மேற்கொள்ளும் 'நான்-லீனியர்' (Non-linear) வாழ்க்கை முறையை பலர் தேர்வு செய்கின்றனர்.
புதிய வகை ஓய்வுக்காலம்
ரிட்டையர்மென்ட் என்பது வேலைக்கு முழுக்கு போடுவது அல்ல, அது ஒரு புதிய தொடக்கம் என்று பெரும்பாலானவர்கள் நம்புகின்றனர். 96% முதலீட்டாளர்கள் தங்களின் நிதித் திட்டங்களை மாற்றி அமைத்துள்ளனர். மக்கள் இப்போது ஒட்டுமொத்தமாக வேலையை விடுவதற்குப் பதிலாக, பகுதி நேரமாகவோ அல்லது 'Encore' கரியர் எனப்படும் புதிய வேலைவாய்ப்புகளைத் தேடும் வகையிலோ திட்டமிடுகின்றனர்.
நிதித் தேவை மற்றும் சவால்கள்
இந்த மாறுபட்ட வாழ்க்கை முறையைத் தொடர ஒரு சராசரி முதலீட்டாளருக்கு $0.42 மில்லியன் தேவைப்படுகிறது. இருப்பினும், தற்போதுள்ள சேமிப்பு முறை இந்த இலக்கை அடைய போதுமானதாக இல்லை என்று புள்ளிவிவரங்கள் எச்சரிக்கின்றன. இது எதிர்காலத்தில் நிதி சார்ந்த நெருக்கடியை உருவாக்கலாம்.
அடுத்த தலைமுறைக்கு என்ன விட்டுச் செல்கிறார்கள்?
சொத்துக்களை விட 'மனித மூலதனம்' (Human Capital) தான் முக்கியம் என 87% பணக்காரர்கள் கருதுகின்றனர். அதாவது, பிள்ளைகளுக்குப் பெரிய சொத்துக்களைச் சேர்த்து வைப்பதை விட, அவர்களுக்குச் சிறந்த கல்வி, நிதி அறிவு (Financial Literacy) மற்றும் சுயதொழில் செய்யும் திறன்களைக் கற்றுக்கொடுப்பதற்கே முன்னுரிமை அளிக்கின்றனர். பிள்ளைகளைச் சுயசார்பு கொண்டவர்களாக மாற்றுவதே தங்களின் முக்கிய இலக்கு என்கின்றனர்.
Wealth Management-ன் எதிர்காலம்
89% முதலீட்டாளர்கள் நீண்ட காலத்திற்கு முடங்கிக் கிடக்கும் முதலீடுகளை விட, எப்போது வேண்டுமானாலும் பணத்தை எடுக்கும் வசதி கொண்ட (High Liquidity) மற்றும் நெகிழ்வுத்தன்மை கொண்ட (Flexible) நிதித் திட்டங்களையே எதிர்பார்க்கின்றனர். சந்தையில் உள்ள பாரம்பரிய நிதித் தயாரிப்புகள் இந்த புதிய தேவைக்கு ஏற்ப மாற வேண்டிய கட்டாயத்தில் உள்ளன.