Tata Sons IPO: டாட்டா டிரஸ்ட்டில் பிளவு! ஐபிஓ விவகாரத்தில் என்ன நடக்கிறது?

டாட்டா குழுமத்தின் ஹோல்டிங் நிறுவனமான Tata Sons-ல் சுமார் 66% பங்குகளை வைத்திருக்கும் Tata Trusts-க்குள் தற்போது பெரிய அளவிலான கருத்து வேறுபாடுகள் வெடித்துள்ளன. $277 பில்லியன் மதிப்பிலான இந்த சாம்ராஜ்யம், அடுத்து எந்த திசையில் பயணிக்கும் என்பது குறித்து நிர்வாகிகளிடையே ஒருமித்த கருத்து இல்லை.

ஏன் இந்த மோதல்?

இதற்கு முக்கிய காரணம் Reserve Bank of India. Tata Sons-ன் 'Core Investment Company' அந்தஸ்தை திரும்பப் பெற வேண்டும் என்ற கோரிக்கையை RBI நிராகரித்துவிட்டது. இதனால் Tata Sons தற்போது 'upper-layer' NBFC-ஆக வகைப்படுத்தப்பட்டுள்ளது. இதன் படி, நிறுவனம் பங்குச்சந்தையில் பட்டியலிடப்பட வேண்டும் என்ற கட்டாயம் உருவாகியுள்ளது. இது நீண்ட காலமாக தனிப்பட்ட நிறுவனமாக (Private entity) இருந்து வரும் டாடா குழுமத்தின் அடிப்படை கட்டமைப்பையே கேள்விக்குள்ளாக்கியுள்ளது.

ஆதரவும் எதிர்ப்பும்

இந்த விவகாரத்தில், Noel Tata, Neville Tata, Darius Khambata மற்றும் Bhaskar Bhat ஆகியோர் அடங்கிய குழு, நிறுவனம் பட்டியலிடப்படக் கூடாது என்பதில் உறுதியாக உள்ளனர். ஆனால், இதற்கு மாறாக விசா சேர்மன்கள் Venu Srinivasan மற்றும் Vijay Singh தரப்பினர் மாற்று வழிகளை பரிசீலித்து வருகின்றனர்.

அதிரடி மாற்றங்கள்

இந்த IPO சிக்கலைத் தவிர்க்க, Tata Electronics Systems Solutions மற்றும் Tata Consulting Engineers ஆகிய நிறுவனங்களை Tata Sons உடன் இணைக்கத் திட்டமிடப்பட்டது. இதன் மூலம் நிறுவனத்தின் வருவாய் கட்டமைப்பை மாற்றி, RBI-ன் நிபந்தனைகளில் இருந்து தப்பிக்க முடியும் என நிர்வாகம் கருதியது. ஆனால், இது குறித்து தங்களை ஆலோசிக்கவில்லை என்று பல டிரஸ்டிகள் கடும் அதிருப்தி தெரிவித்துள்ளனர்.

நிர்வாகத்தில் குழப்பம்

பட்டியலிடுதல் விவகாரம் மட்டுமல்லாது, N. Chandrasekaran அவர்களின் மூன்றாவது காலக்கட்ட தலைவர் பதவி நியமனம் குறித்தும் Tata Trusts தலைவரான Noel Tata அதிருப்தியில் இருந்ததாகத் தகவல்கள் கசிந்துள்ளன. இந்த உட்கட்சிப் பூசல்கள், டாட்டா குழுமத்தின் எதிர்கால முடிவெடுக்கும் திறனை பாதிக்குமோ என்ற அச்சம் முதலீட்டாளர்கள் மத்தியில் எழுந்துள்ளது. RBI-ன் விதிமுறைகளை நிறுவனம் எவ்வாறு கையாளப்போகிறது என்பதை பொறுத்திருந்துதான் பார்க்க வேண்டும்.