8th Pay Commission: செவிலியர்களின் முக்கிய கோரிக்கை; Level 10 ஊதியம் மற்றும் 3.25 பிட்மெண்ட் ஃபாக்டர் கோரல்!

சண்டிகரில் நடைபெற்ற 8-வது மத்திய ஊதியக் குழுவின் ஆலோசனைக் கூட்டத்தில், சுகாதாரத் துறை ஊழியர்களின் ஊதியக் கட்டமைப்பு குறித்த முக்கிய கோரிக்கைகள் முன்வைக்கப்பட்டுள்ளன. இதில் Nurses Welfare Association மற்றும் PGIMER உள்ளிட்ட அமைப்புகள் தங்களது பரிந்துரைகளைச் சமர்ப்பித்துள்ளன.

ஊதிய உயர்வு மற்றும் பிட்மெண்ட் ஃபாக்டர்

செவிலியர்கள் தங்களின் தற்போதைய ஊதியத்தை உயர்த்தி, என்ட்ரி லெவல் ஊதியத்தை Level 10-க்கு கொண்டு வர வேண்டும் என வலியுறுத்தியுள்ளனர். மேலும், அடிப்படைச் சம்பளத்தை நிர்ணயிக்கும் பிட்மெண்ட் ஃபாக்டரை (Fitment Factor) 3.25 ஆக உயர்த்தவும் கோரிக்கை விடுத்துள்ளனர். இதற்கு முந்தைய 7-வது ஊதியக் குழுவில் இது 2.57 ஆக இருந்தது குறிப்பிடத்தக்கது. இதுமட்டுமின்றி, ஆண்டு ஊதிய உயர்வை 3%-லிருந்து 5% ஆக அதிகரிக்கவும், நைட்டு டியூட்டி அலவன்ஸ் மற்றும் ரிஸ்க் அலவன்ஸ்களை வழங்கவும் கோரியுள்ளனர்.

பழைய ஓய்வூதியத் திட்டம் (OPS)

தற்போது நடைமுறையில் உள்ள தேசிய ஓய்வூதியத் திட்டத்திற்குப் (NPS) பதிலாக, பழைய ஓய்வூதியத் திட்டத்தை (Old Pension Scheme) மீண்டும் அமல்படுத்த வேண்டும் என்பது இவர்களின் மிக முக்கிய கோரிக்கையாக உள்ளது.

நிதி நெருக்கடி மற்றும் பாதிப்புகள்

இந்தக் கோரிக்கைகள் சுமார் 3 லட்சம் அரசு சுகாதார ஊழியர்களை நேரடியாகப் பாதிக்கும். ஒருவேளை அரசு இவற்றை ஏற்றுக்கொண்டால், அரசின் ஒட்டுமொத்த சம்பளம் மற்றும் ஓய்வூதியச் செலவுகள் கணிசமாக உயரும். இது நாட்டின் நிதிப் பற்றாக்குறை (Fiscal Deficit) இலக்குகளைப் பாதிப்பதுடன், உள்கட்டமைப்பு மற்றும் மேம்பாட்டுத் திட்டங்களுக்கான அரசின் ஒதுக்கீட்டையும் குறைக்க வாய்ப்புள்ளது. அடுத்தகட்ட ஆலோசனைகள் பெங்களூருவில் அக்டோபர் 7 மற்றும் 8 ஆகிய தேதிகளில் நடைபெற உள்ளது. இறுதி முடிவுகள் அரசின் கேபினட் ஒப்புதலுக்குப் பிறகே தெரியவரும்.