Indian Railways-க்கு கேரள மனித உரிமை ஆணையம் அதிரடி உத்தரவு: ₹2 லட்சம் அபராதம்!

கேரள மாநில மனித உரிமை ஆணையம் (Kerala State Human Rights Commission), Indian Railways-க்கு எதிராகக் கடும் நடவடிக்கையை மேற்கொண்டுள்ளது. 2023 ஜூலையில் நடந்த ஒரு சம்பவத்தில், தவறான நிர்வாகத்தின் காரணமாகப் பயணி ஒருவர் பாதியிலேயே இறக்கிவிடப்பட்டார். இதற்காக பாதிக்கப்பட்ட K. Jayasmitha என்பவருக்கு ₹2 லட்சம் இழப்பீடு வழங்க ஆணையம் உத்தரவிட்டுள்ளது.

என்ன நடந்தது?

ஜூலை 30, 2023 அன்று, டிக்கெட் முன்பதிவின் போது செல்போன் எண்ணில் ஏற்பட்ட சிறிய பிழை காரணமாக, வேறொரு நபருக்கு கன்ஃபர்மேஷன் மெசேஜ் சென்றது. அவர் டிக்கெட்டை கேன்சல் செய்ததால், கையில் வேலிட் டிக்கெட் இருந்தும் அந்தப் பயணி அலூவா (Aluva) ரயில் நிலையத்தில் Railway Protection Force (RPF) மூலம் கட்டாயப்படுத்தி இறக்கிவிடப்பட்டார். இது அதிகார துஷ்பிரயோகம் என ஆணையம் சுட்டிக்காட்டியுள்ளது.

நிர்வாகத்திற்கு எச்சரிக்கை

இந்தத் தொகையை ஒரு மாதத்திற்குள் வழங்க வேண்டும். தவறும் பட்சத்தில், 8% வட்டியுடன் சேர்த்து வழங்க நேரிடும் என எச்சரிக்கப்பட்டுள்ளது. மேலும், இந்த இழப்பீட்டுத் தொகையைச் சம்பந்தப்பட்ட அதிகாரிகளிடம் இருந்தே வசூலித்துக்கொள்ள Southern Railway-க்கு அதிகாரம் அளிக்கப்பட்டுள்ளது. இது அரசுத் துறையில் பணிபுரியும் ஊழியர்களுக்கு ஒரு பெரிய பாடமாக அமைந்துள்ளது.

இந்திய ரயில்வே சட்டத்தின் பிரிவு 137 மற்றும் 139-ன் படி, பயணிகளை, குறிப்பாக இரவு நேரத்தில் பயணிக்கும் பெண்களை கண்ணியமாகவும் பாதுகாப்பாகவும் நடத்த வேண்டும் என்று ஆணையம் திட்டவட்டமாகத் தெரிவித்துள்ளது.