இந்தியாவில் ஹாலிடே ரெண்டல்ஸ் மார்க்கெட் மிகப்பெரிய வளர்ச்சியை கண்டுள்ளது. இப்போது பிராண்டட் ஹோட்டல்களை விட இரண்டு மடங்கு அதிக வசதிகளை இது கொண்டுள்ளது. ஹோட்டல் துறையில் ஏற்பட்டுள்ள இந்த அதிரடி மாற்றத்தை பற்றி பார்ப்போம்.
இந்தியாவின் ஹாஸ்பிடாலிட்டி துறையில் ஒரு மிகப்பெரிய மாற்றம் நடந்து வருகிறது. வில்லாக்கள், ஹோம்ஸ்டேக்கள் மற்றும் சர்வீஸ்டு அப்பார்ட்மெண்ட்கள் என அழைக்கப்படும் ஹாலிடே ரெண்டல்ஸ், பாரம்பரிய பிராண்டட் ஹோட்டல்களை விட வேகமாக வளர்ந்து வருகின்றன. 2026-ம் ஆண்டு நிலவரப்படி, இந்தத் துறையில் டிஜிட்டல் லிஸ்டிங்குகள் 2,00,000-ஐ கடந்துள்ளன. இது முந்தைய ஆண்டை விட 26% வளர்ச்சி ஆகும். முக்கியமாக, இந்தியாவின் மொத்த பிராண்டட் ஹோட்டல் அறைகளின் எண்ணிக்கை 2,13,000 ஆக இருக்கும் நிலையில், ஹாலிடே ரெண்டல்ஸின் கொள்ளளவு அதை விட இரண்டு மடங்கு அதிகமாக உள்ளது.
ஹோட்டல்களுக்கு ஏன் இந்த சரிவு?
ஹோட்டல் துறையில் தேவைக்கும் விநியோகத்திற்கும் இடையே மிகப்பெரிய இடைவெளி உள்ளது. பெரிய ஹோட்டல் நிறுவனங்கள் புதிய திட்டங்களை அறிவித்தாலும், நிலம் கையகப்படுத்துதல் மற்றும் அதிக மூலதனச் செலவுகள் காரணமாக அவற்றின் கட்டுமானப் பணிகள் மிகவும் மெதுவாகவே நடக்கின்றன. இந்த இடைவெளியைதான் ஹாலிடே ரெண்டல்ஸ் தற்போது நிரப்பி வருகின்றன.
தொழில்முறை மேலாண்மை (Professional Management)
முன்பு போல இது வெறும் 'ஹாபி' ஆக மட்டும் இல்லை. இப்போது பல நிறுவனங்கள் வீடுகளை ஒருங்கிணைத்து, ஹோட்டல்களுக்கு இணையான ஹவுஸ் கீப்பிங் மற்றும் பராமரிப்பு சேவைகளை வழங்குகின்றன. இதனால், FY28-க்குள் இந்த எண்ணிக்கை 2,85,000 யூனிட்டுகளை எட்டும் என எதிர்பார்க்கப்படுகிறது. இது ஒரு தற்காலிக டிரெண்ட் இல்லை, இது ஒரு நிரந்தரமான மாற்றமாக உருவெடுத்துள்ளது.
முதலீட்டாளர்கள் கவனிக்க வேண்டிய ரிஸ்க்குகள்
வளர்ச்சி நன்றாக இருந்தாலும், சில சவால்கள் உள்ளன. குறிப்பாக, ஹோட்டல்களுக்கு இருப்பது போன்ற கடுமையான பாதுகாப்பு மற்றும் தீயணைப்பு விதிகள் இந்த சிறிய ரெண்டல்ஸ்களுக்கு இதுவரை இல்லை. அரசு எதிர்காலத்தில் கொண்டு வரும் சட்டங்கள் மற்றும் வரி விதிப்புகள் இந்த துறையின் லாபத்தை பாதிக்கலாம். மேலும், டயர்-2 மற்றும் டயர்-3 நகரங்களில் ஹோட்டல் நிறுவனங்களும் இப்போது ஆர்வம் காட்டி வருவதால், வரும் காலங்களில் போட்டி கடுமையாக இருக்கும்.