Ministry of Road Transport and Highways (MoRTH) சார்பில் டிரைவிங் லைசென்ஸ் பெற புதிய வரைவு விதிகள் வெளியிடப்பட்டுள்ளன. இனி SARATHI போர்ட்டல் மூலம் ஆன்லைன் விண்ணப்பங்களை விரைவுபடுத்தவும், ஆதார் ஆதாரம் மூலம் கட்டண விலக்கு பெறவும் வழிவகை செய்யப்பட்டுள்ளது.
டிஜிட்டல் மயமாக்கல் மற்றும் வேகமான சேவை
இந்த புதிய மாற்றங்களின் முக்கிய நோக்கம், அரசு அலுவலகங்களில் ஏற்படும் காலதாமதத்தைத் தவிர்ப்பதே. ஆதார் மூலம் சரிபார்க்கப்படும் விண்ணப்பங்களுக்குக் கட்டண விலக்கு அளிக்க அரசு திட்டமிட்டுள்ளது. மேலும், தனிநபர் விவரங்களை அப்டேட் செய்ய இனி 15 நாட்களுக்குள் அனுமதி அளிக்கப்பட வேண்டும் என்ற கட்டாய விதிமுறை கொண்டு வரப்படுகிறது. முகவரி மாற்றத்தைப் பொறுத்தவரை, 30 நாட்களுக்குள் அதிகாரிகள் நடவடிக்கை எடுக்கவில்லை என்றால், அது தானாகவே அங்கீகரிக்கப்படும் (Deemed Approval) என்ற புதிய வசதியும் அறிமுகமாகிறது.
பாதுகாப்பு மற்றும் ஆவண சரிபார்ப்பு
சாலை பாதுகாப்பை உறுதி செய்ய, டிரைவிங் லைசென்ஸ் பயிற்சிக்கான தேர்ச்சி மதிப்பெண் 60%-லிருந்து 75% ஆக உயர்த்தப்பட உள்ளது. விண்ணப்பதாரர்கள் குறைந்தது 30 நிமிடங்களுக்கு மேலாக ஆன்லைன் பயிற்சி வகுப்புகளைக் கவனிப்பது கட்டாயமாக்கப்படுகிறது.
ஆவணங்கள் தொடர்பான விதிமுறைகளிலும் மாற்றம் உள்ளது. இனி LIC பாலிசி ஆவணங்களை குடியிருப்பு சான்றாகப் பயன்படுத்த முடியாது. மின்சாரம் மற்றும் கேஸ் பில்களைப் பொறுத்தவரை, கடந்த 3 மாதங்களுக்குள் பெறப்பட்டவை மட்டுமே ஏற்றுக்கொள்ளப்படும். பொதுமக்களிடமிருந்து இது குறித்து கருத்துகளை தெரிவிக்க 30 நாட்கள் கால அவகாசம் அளிக்கப்பட்டுள்ளது.