கோவாவில் இறுதி வாக்காளர் பட்டியலில் இருந்து தகுதியுள்ள **97** வாக்காளர்களின் பெயர்கள் நீக்கப்பட்ட விவகாரம் பெரும் சர்ச்சையை ஏற்படுத்தியுள்ளது. இந்த குளறுபடிக்கு மத்திய அரசின் ECINet மென்பொருளே காரணம் என அதிகாரிகள் குற்றம் சாட்டியுள்ளனர்.
தேர்தல் ஆணையத்தின் சிறப்பு மறுஆய்வுப் பணியின் போது, கோவாவில் 97 வாக்காளர்களின் பெயர்கள் நீக்கப்பட்டது பெரும் அதிர்ச்சியை ஏற்படுத்தியுள்ளது. இதில் உள்ள சிக்கல் என்னவென்றால், உள்ளூர் தேர்தல் பதிவு அதிகாரிகள் இந்த குளறுபடியை சரிசெய்ய முயன்றபோது, மத்திய அரசின் கட்டுப்பாட்டில் உள்ள ECINet மென்பொருள் அவர்களை அனுமதி வழங்காமல் தடுத்ததுதான்.
மென்பொருள் Vs உள்ளூர் அதிகாரம்
கோவா தலைமை தேர்தல் அதிகாரி சஞ்சய் கோயல், இந்த தவறுகளை சரிசெய்ய பலமுறை IT பிரிவிடம் அனுமதி கோரியுள்ளார். ஆனால், இறுதிப் பட்டியல் வெளியாகும் வரை தேவையான பர்மிஷன் வழங்கப்படவில்லை என தெரியவந்துள்ளது. உள்ளூர் அதிகாரிகள் சரிபார்த்த வாக்காளர்களை, ஒரு மென்பொருள் தன்னிச்சையாக நீக்கியிருப்பது நிர்வாகக் கட்டமைப்பின் மீதான நம்பிக்கையை கேள்விக்குறியாக்கியுள்ளது.
அரசியல் மோதல்
இந்த விவகாரத்தை கையில் எடுத்துள்ள காங்கிரஸ் கட்சி, கடும் கண்டனங்களை பதிவு செய்துள்ளது. ஜெய்ராம் ரமேஷ் மற்றும் சசி தரூர் உள்ளிட்ட தலைவர்கள், தலைமை தேர்தல் ஆணையர் கியான்ேஷ் குமார் பதவி விலக வேண்டும் என கோரிக்கை விடுத்துள்ளனர். இந்த மென்பொருள் கட்டமைப்பு, உள்ளூர் அதிகாரிகளின் சட்டப்பூர்வ அதிகாரத்தைப் பறிப்பதாகவும், தேர்தல் நேர்மையைப் பாதிப்பதாகவும் எதிர்க்கட்சிகள் குற்றம் சாட்டுகின்றன.
இனி வரும் காலங்களில் தேர்தல் ஆணையம் தனது டிஜிட்டல் கட்டமைப்பை தணிக்கை (Audit) செய்யுமா அல்லது உள்ளூர் அதிகாரிகளின் அதிகாரத்தை மீண்டும் வழங்குமா என்பதுதான் பொதுமக்களின் எதிர்பார்ப்பாக உள்ளது.