வங்கதேசத்தில் சம்பள உயர்வு கோரி தொழிலாளர்கள் நடத்தி வரும் போராட்டத்தால், சுமார் **670** ஆடை உற்பத்தி தொழிற்சாலைகள் தற்காலிகமாக மூடப்பட்டுள்ளன. இந்த திடீர் விவகாரம் உலகளாவிய டெக்ஸ்டைல் சப்ளை செயினை பாதித்துள்ளதால், சர்வதேச நிறுவனங்கள் இந்தியா போன்ற மாற்று நாடுகளை நோக்கி நகர வாய்ப்பு உருவாகியுள்ளது.
வங்கதேசத்தின் தொழில் உற்பத்தி மண்டலங்களான டாக்கா, காஜிப்பூர், அசுலியா மற்றும் மைமன்சிங் ஆகிய பகுதிகளில் உள்ள சுமார் 670 கார்மெண்ட் தொழிற்சாலைகள் தற்போது ஸ்தம்பித்துள்ளன. தொழிலாளர்கள் தற்போதைய குறைந்தபட்ச ஊதியமான 12,500 டாக்காவிலிருந்து, 30,000 டாக்காவாக உயர்த்தப்பட வேண்டும் என்று கடும் போராட்டங்களை நடத்தி வருகின்றனர். பணவீக்கம் மற்றும் அத்தியாவசியப் பொருட்களின் விலை உயர்வுதான் இந்த ஆவேசமான போராட்டத்திற்கு முக்கிய காரணம்.
அரசின் நடவடிக்கை மற்றும் தற்போதைய நிலை
இந்த சிக்கலை தீர்க்க வங்கதேச அரசு நவம்பர் 1, 2026 அன்று ஆறு பேர் கொண்ட குழுவை நியமித்துள்ளது. இருப்பினும், தொழிற்சாலை பகுதிகளில் வன்முறை மற்றும் கலவரம் நீடிப்பதால், பாதுகாப்புப் படையினர் குவிக்கப்பட்டுள்ளனர்.
உலக சந்தையில் பாதிப்பு
வங்கதேசத்தின் மொத்த ஏற்றுமதியில் 80% இந்த ஆடை உற்பத்தித் துறையே பங்களிக்கிறது. H&M, Zara, Gap மற்றும் Primark போன்ற உலகளாவிய ஜாம்பவான் நிறுவனங்கள் தங்கள் ஆடைகளை இங்கிருந்துதான் கொள்முதல் செய்கின்றன. தொழிற்சாலைகள் மூடப்பட்டிருப்பதால், வரும் கோடைக்காலத்திற்கான ஆடைகளை விநியோகம் செய்வதில் தாமதம் ஏற்படும் என அஞ்சப்படுகிறது.
இந்திய நிறுவனங்களுக்கு வாய்ப்பா?
சர்வதேச நிறுவனங்கள் தங்களது சப்ளை செயின் ரிஸ்க்கை குறைக்க 'பிளஸ்-ஒன்' (Plus-one) என்ற உத்தியை கையில் எடுக்க வாய்ப்புள்ளது. இதனால், சீனா மற்றும் வங்கதேசத்திற்கு மாற்றாக இந்தியா, வியட்நாம் மற்றும் இந்தோனேசியா போன்ற நாடுகள் பயனடையலாம். இந்திய டெக்ஸ்டைல் நிறுவனங்கள் இந்த சூழலை தங்களுக்கு சாதகமாக மாற்றிக்கொள்ளுமா என்பதை முதலீட்டாளர்கள் உன்னிப்பாக கவனித்து வருகின்றனர்.