இந்தியாவின் Specialised Investment Funds (SIFs) முதல் ஆண்டிலேயே **₹37,000 கோடி** முதலீடுகளை ஈர்த்துள்ளன. மியூச்சுவல் ஃபண்ட் மற்றும் PMS இரண்டிற்கும் இடைப்பட்ட ஒரு புதிய முதலீட்டு பாலமாக இவை உருவெடுத்துள்ளன.
இந்தியாவின் வெல்த் மேனேஜ்மென்ட் துறையில் இப்போது புதிய காற்று வீசத் தொடங்கியுள்ளது. சாதாரண மியூச்சுவல் ஃபண்டுகளை தாண்டி, முதலீட்டாளர்கள் அதிக வசதி கொண்ட Specialized Investment Funds (SIFs)-ஐ நோக்கி நகரத் தொடங்கியுள்ளனர். முதல் ஆண்டிலேயே சுமார் 1.5 லட்சம் போலியோக்கள் மூலம் ₹36,000 கோடி முதல் ₹37,000 கோடி வரை நிதி திரட்டப்பட்டுள்ளது. தற்போது இந்தியாவில் மியூச்சுவல் ஃபண்ட் துறை ₹82 லட்சம் கோடி சொத்துக்களை நிர்வகிக்கும் நிலையில், SIFs-ன் இந்த வளர்ச்சி கவனிக்கத்தக்கது.
SIFs ஏன் இவ்வளவு ஸ்பெஷல்?
பொதுவான மியூச்சுவல் ஃபண்டுகள் சில்லறை முதலீட்டாளர்களை மையமாக கொண்டவை. ஆனால் SIFs-ல் ஃபண்ட் மேனேஜர்களுக்கு டெரிவேட்டிவ்ஸ் (Derivatives) மற்றும் ஆப்ஷன்ஸ் (Options) மூலம் முதலீடு செய்ய அதிக சுதந்திரம் உண்டு. இது சந்தையின் ஏற்ற இறக்கங்களை சமாளிக்கவும், தனித்துவமான ஸ்ட்ரேட்டஜிகளை கையாளவும் உதவுகிறது. ஹைய் நெட்வொர்த் இன்டிவிஜுவல்ஸ் (HNIs) மத்தியில், PMS-ஐ விட எளிமையாகவும், மியூச்சுவல் ஃபண்டை விட அதிக வசதி கொண்டதாகவும் இது கருதப்படுகிறது.
வளர்ச்சியைத் தடுக்கும் சவால்கள்
இந்தத் துறை வேகமான வளர்ச்சியைப் பெற்றாலும், சில கட்டமைப்பு சிக்கல்கள் உள்ளன. மியூச்சுவல் ஃபண்ட் துறையில் லட்சக்கணக்கான டிஸ்ட்ரிபியூட்டர்கள் இருக்கும் நிலையில், SIFs-ல் தற்போது வெறும் 12,000 சான்றளிக்கப்பட்ட டிஸ்ட்ரிபியூட்டர்கள் மட்டுமே உள்ளனர். இந்த நெட்வொர்க் குறைபாடு பெரிய அளவில் வளர்ச்சியை பாதிக்கும் என அஞ்சப்படுகிறது. இதனை சரிசெய்ய NISM Series 5G போன்ற சான்றிதழ் முறைகளை எளிமைப்படுத்தும் முயற்சிகள் நடக்கின்றன.
டெக்னாலஜியின் பங்கு
ஆபரேஷனல் சிக்கல்களைத் தவிர்க்க, ஃபண்ட் மேனேஜர்கள் AI மற்றும் நவீன தொழில்நுட்பத்தை கையில் எடுத்துள்ளனர். ஆராய்ச்சி, ரிஸ்க் மேனேஜ்மென்ட் மற்றும் ஆன்போர்டிங் ஆகியவற்றை ஆட்டோமேஷன் செய்வதன் மூலம் செலவைக் குறைத்து, சிக்கலான முதலீட்டு முறைகளை திறம்பட கையாளுகின்றனர்.
வருங்காலத்தில், GIFT City-ன் வளர்ச்சி இந்திய சொத்து மேலாண்மை நிறுவனங்களுக்கு உலகளாவிய வாய்ப்புகளைத் திறந்துவிடும் என எதிர்பார்க்கப்படுகிறது. முதலீட்டாளர்கள் கவனிக்க வேண்டியது, இந்த ஃபண்டுகள் வளரும்போது எப்படி ரிஸ்க் மேனேஜ்மென்ட் செய்கின்றன என்பதுதான்.