மியூச்சுவல் ஃபண்ட் சந்தையில் நிலவிய குழப்பத்திற்கு முற்றுப்புள்ளி வைக்கும் விதமாக, ஏற்கனவே நடைமுறையில் உள்ள 29 ரிட்டையர்மென்ட் ஸ்கீம்களைத் தொடர்ந்து இயக்க SEBI அனுமதி அளித்துள்ளது.
மியூச்சுவல் ஃபண்ட் சந்தையில் கடந்த பிப்ரவரி 2026 முதல் நிலவி வந்த ஒரு பெரிய குழப்பத்திற்கு தற்பொழுது தீர்வு கிடைத்துள்ளது. பழைய ரிட்டையர்மென்ட் மற்றும் குழந்தைகள் சார்ந்த ஃபண்டுகளை நீக்கிவிட்டு, புதிய 'Life Cycle Fund' கட்டமைப்பை அமல்படுத்த SEBI திட்டமிட்டிருந்தது. ஆனால், தற்போது வெளியிடப்பட்டுள்ள புதிய உத்தரவின் மூலம், ஏற்கனவே உள்ள 29 ஸ்கீம்கள் தொடர்ந்து இயங்க அனுமதி வழங்கப்பட்டுள்ளது.
சந்தையில் ஏற்பட்டுள்ள மாற்றம்
இந்த 29 திட்டங்களும் ஒட்டுமொத்தமாக ₹33,400 கோடிக்கும் அதிகமான சொத்துக்களை (AUM) நிர்வகித்து வருகின்றன. இந்த ஸ்கீம்களைத் தொடர அனுமதி வழங்கப்பட்டாலும், புதிய வகை 'Life Cycle Fund' வெளியீடுகளில் சில கட்டுப்பாடுகள் விதிக்கப்பட்டுள்ளன. இது நீண்டகால முதலீட்டாளர்களுக்கு ஒரு நிம்மதியான விஷயமாக பார்க்கப்படுகிறது.
முதலீட்டாளர்கள் கவனிக்க வேண்டியவை
இந்த ஃபண்டுகளில் முதலீடு செய்வதற்கு முன்பு சில முக்கிய விஷயங்களை தெரிந்து கொள்ள வேண்டும்:
- லாக்-இன் காலம்: இதில் பெரும்பாலும் 5 ஆண்டுகள் அல்லது முதலீட்டாளருக்கு 60 வயது ஆகும் வரை பணம் எடுக்க முடியாது.
- வரி சலுகை: Public Provident Fund (PPF) போல இதில் Section 80C கீழ் வரி சலுகைகள் கிடைப்பதில்லை என்பதை நினைவில் கொள்ளவும்.
- எடுத்துக்காட்டு: ICICI Prudential Retirement Fund-Hybrid Aggressive Plan போன்ற திட்டங்கள் சுமார் ₹1,320.5 கோடி நிதியை நிர்வகிக்கின்றன. இவை பெரும்பாலும் 75% முதல் 85% வரை ஈக்விட்டியில் முதலீடு செய்து லாபத்தை இலக்காகக் கொள்கின்றன.
இந்த ஃபண்டுகள் சந்தை அபாயங்களுக்கு உட்பட்டவை. லாக்-இன் காலம் இருப்பதால், அவசர காலங்களில் பணத்தை எடுப்பதில் சிக்கல் ஏற்படலாம். எனவே, உங்கள் முதலீட்டு இலக்கிற்கு ஏற்ப இந்த ஃபண்டுகளை தேர்ந்தெடுப்பது அவசியம்.