Entertainment உலகின் முன்னணி நிறுவனங்களான Yash Raj Films மற்றும் Sun TV இப்போது மொபைல் பயனர்களை கவரும் வகையில் மைக்ரோ-டிராமா (Microdrama) சந்தையில் களமிறங்கியுள்ளன.
முன்னணி தயாரிப்பு நிறுவனங்களான Yash Raj Films (YRF) மற்றும் Sun TV Network ஆகியவை தங்களின் பிசினஸ் பார்வையை மைக்ரோ-டிராமா பக்கம் திருப்பியுள்ளன. இதற்காக, YRF நிறுவனம் சுமார் ₹150 கோடி முதலீட்டில் பிரத்யேகமான Direct-to-Consumer தளத்தை உருவாக்கும் பணியில் இறங்கியுள்ளது. இதற்காக Rusk Media நிறுவனத்துடன் கூட்டணி வைத்துள்ளது. அதேநேரம், Sun TV தனது existing தளமான Sun NXT-ல் புதிய மைக்ரோ-டிராமாக்களை அறிமுகப்படுத்தி, அதன் பார்வையாளர் தளத்தை பலப்படுத்தத் திட்டமிட்டுள்ளது.
இது வெறும் தொடக்கமா?
இந்த பெரிய நிறுவனங்களுக்கு மைக்ரோ-டிராமா என்பது வருமானத்திற்கான முதன்மை ஆதாரம் மட்டுமல்ல, இது ஒரு 'டெஸ்டிங் கிரவுண்ட்'. பெரிய பட்ஜெட் படங்கள் எடுப்பதற்கு முன்னால், பார்வையாளர்களின் விருப்பத்தை கணிக்கும் ஒரு கருவியாக இதை அவர்கள் பார்க்கிறார்கள். குறைந்த பட்ஜெட்டில் தரமான கன்டென்ட்களை வழங்குவதன் மூலம் ரிஸ்க் குறையும் என்பது இவர்களின் கணக்கு.
லாபம் கிடைக்குமா?
கடந்த காலங்களில் மைக்ரோ-டிராமா துறையில் நுழைந்த பல ஸ்டார்ட்-அப்கள் லாபம் ஈட்ட முடியாமல் திணறின. மிக அதிக மார்க்கெட்டிங் செலவு மற்றும் வாடிக்கையாளர் விசுவாசம் (Churn Rate) இல்லாமை போன்றவை இதற்கு முக்கிய காரணங்கள். இப்போது YRF மற்றும் Sun TV போன்ற பெரும் நிறுவனங்கள் வரும்போது, அவர்கள் இந்த சவால்களை எப்படி எதிர்கொள்கிறார்கள் என்பதுதான் முக்கிய கேள்வி.
இப்போதைய நிலவரப்படி, மைக்ரோ-டிராமா சந்தையில் நிலையான வருவாய் ஈட்டுவது இன்னும் ஒரு சவாலான காரியமாகவே உள்ளது. விளம்பரங்கள் மற்றும் சந்தா (Subscription) மூலம் வரும் வருமானம், தயாரிப்பு செலவை ஈடு செய்யுமா என்பதை பொறுத்திருந்துதான் பார்க்க வேண்டும். முதலீட்டாளர்களைப் பொறுத்தவரை, இந்த நிறுவனங்கள் தங்கள் பிராண்ட் மதிப்பை எப்படி வருமானமாக மாற்றுகின்றன என்பதை கவனிக்க வேண்டியது அவசியம்.