ஹாலிவுட் போல நீண்ட நாட்களுக்கு முன்பே டிக்கெட் முன்பதிவு செய்யும் முறை இந்திய சினிமாக்களில் ஏன் இல்லை? ரிலீஸ் தேதி மாற்றங்கள் மற்றும் ஓப்பனிங் வீக்கெண்ட் அழுத்தமே இதற்கு முக்கிய காரணம்.
ஹாலிவுட்டில் பெரிய படங்கள் ரிலீஸாவதற்கு மாதங்களுக்கு முன்பே டிக்கெட் புக்கிங் தொடங்கிவிடும். ஆனால், இந்திய தியேட்டர்களில் ரிலீஸுக்கு சில நாட்களுக்கு முன்புதான் முன்பதிவு தொடங்குகிறது. இது வெறும் கலாச்சார மாற்றம் மட்டுமல்ல, இந்திய சினிமா துறையில் உள்ள சில முக்கியமான கட்டமைப்பு சவால்களே காரணம்.
ரிலீஸ் தேதி குழப்பங்கள்
இந்தியாவில் பண்டிகை காலங்கள், தியேட்டர் ஸ்கிரீன் பகிர்வு மற்றும் சென்சார் போர்டு அனுமதி என கடைசி நிமிடம் வரை ரிலீஸ் தேதிகள் மாறிக் கொண்டே இருக்கின்றன. இதனால், பல மாதங்களுக்கு முன்பே ஷோ நேரங்களை முடிவு செய்வது தியேட்டர் உரிமையாளர்களுக்குப் பெரிய பொருளாதார ரிஸ்க்காக முடிகிறது.
ஓப்பனிங் வீக்கெண்ட் அழுத்தம்
இந்திய சினிமாவில் படத்தின் வெற்றி என்பது முதல் 3 நாட்களில் வரும் வசூலை வைத்தே தீர்மானிக்கப்படுகிறது. முன் கூட்டியே புக்கிங்கைத் திறந்து, போதுமான டிக்கெட்டுகள் விற்கவில்லை என்றால், அது படத்தின் மார்க்கெட் மதிப்பைக் குறைத்துவிடும் என்று தயாரிப்பாளர்கள் அஞ்சுகின்றனர். சமூக வலைதளங்களில் டிரெய்லர் மற்றும் ஹைப்பை சரியாகப் பயன்படுத்திய பிறகே புக்கிங்கைத் திறப்பது பாதுகாப்பானதாகக் கருதப்படுகிறது.
புதிய மாற்றம் (Phased Inventory)
தற்போது தியேட்டர் நிறுவனங்கள் ஒரு புதிய முயற்சியைச் செய்து வருகின்றன. IMAX மற்றும் சொகுசு வசதி கொண்ட பிரீமியம் சீட்டுகளை மட்டும் முன்கூட்டியே முன்பதிவு செய்ய அனுமதிக்கிறார்கள். இதன் மூலம் படத்தின் மீதான ஆர்வத்தை முன்கூட்டியே அளவிட முடிகிறது. இந்த 'Phased Inventory' முறை எதிர்காலத்தில் சினிமா வசூல் மற்றும் புக்கிங் முறையில் ஒரு நிலைத்தன்மையைக் கொண்டு வரும் என்று எதிர்பார்க்கப்படுகிறது.