Lionsgate Play-ன் முன்னாள் தலைவர் ரோஹித் ஜெயின் 'Tiger TV' என்ற புதிய OTT தளத்தை அறிமுகப்படுத்தியுள்ளார். ஆண்டு சந்தா ₹799 என நிர்ணயிக்கப்பட்டுள்ள இந்த தளம், அடுத்த 3 ஆண்டுகளில் ₹500 கோடி வருவாயை இலக்காகக் கொண்டுள்ளது.
Lionsgate Play-ன் தெற்காசிய வர்த்தகத்தை வழிநடத்திய ரோஹித் ஜெயின், தனது புதிய முயற்சியாக 'Tiger TV'-யை களமிறக்கியுள்ளார். ஹிந்தி மற்றும் பஞ்சாபி மொழி ரசிகர்களை பிரத்யேகமாக ஈர்க்கும் வகையில் வடிவமைக்கப்பட்டுள்ள இந்த தளத்தின் வருடாந்திர சந்தா ₹799 ஆகவும், காலாண்டு சந்தா ₹349 ஆகவும் நிர்ணயிக்கப்பட்டுள்ளது.
பிசினஸ் மாடல் மற்றும் முதலீடு
இந்த நிறுவனம் ஒரு ஹைப்ரிட் மாடலை பின்பற்றுகிறது. இந்தியாவில், Lionsgate Play-ன் தற்போதைய கட்டமைப்பிலேயே ஒரு கூடுதல் அம்சமாக (Add-on) Tiger TV இயங்கும். அதேசமயம் அமெரிக்கா, இங்கிலாந்து, கனடா போன்ற வெளிநாடுகளில் இது தனி செயலியாக (Standalone App) செயல்படும்.
அடுத்த 3 ஆண்டுகளில் ₹500 கோடி வருவாயை (Annual Recurring Revenue) எட்டுவதே இவர்களது இலக்கு. இதற்காக கண்டெண்ட் உருவாக்கத்தில் ₹500 கோடி முதலீடு செய்யப்படவுள்ளது. Netflix மற்றும் JioHotstar போன்ற பெரிய நிறுவனங்கள் அனைத்து மொழிகளுக்கும் பொதுவான கண்டெண்டில் கவனம் செலுத்தும் நிலையில், இவர்கள் குறிப்பிட்ட பிராந்திய மொழிகளில் மட்டும் கவனம் செலுத்தி சந்தையில் தனித்து தெரிய முயற்சிக்கின்றனர்.
சந்தை சவால்கள்
இந்தியாவின் டிஜிட்டல் என்டர்டெயின்மென்ட் சந்தை ஏற்கனவே 17.26 கோடி பணம் செலுத்தும் சந்தாதாரர்களைக் கொண்டுள்ளது. இந்த நெரிசலான சந்தையில், பெரிய நிறுவனங்களின் கடும் போட்டிக்கு மத்தியில் இந்த தளம் எப்படி தங்களை நிலைநிறுத்திக் கொள்ளப் போகிறது என்பதுதான் மிகப்பெரிய சவால். தரமான கண்டெண்ட் மற்றும் சந்தாதாரர்களைத் தக்கவைத்துக் கொள்ளும் திறன் ஆகியவற்றைப் பொறுத்தே இந்த பிசினஸ் மாடலின் வெற்றி அமையும்.