JioStar நிறுவனத்தின் துணைத் தலைவர் உதய்சங்கர், இந்திய விளையாட்டு ஊடகத் துறையில் முதலீடு செய்துள்ளவர்களுக்கு முக்கிய எச்சரிக்கை விடுத்துள்ளார். வெறும் 5 ஆண்டுகளில் லாபம் ஈட்டி வெளியேற நினைப்பது நடைமுறைக்கு சாத்தியமற்றது என்று அவர் கூறியுள்ளார்.
APOS Sports Edge 2026 நிகழ்வில் பேசிய உதய்சங்கர், இந்திய விளையாட்டு ஒளிபரப்புத் துறையின் தற்போதைய பொருளாதார சூழலை சுட்டிக்காட்டினார். பல நிறுவனங்கள் முதலீடு செய்த 5 ஆண்டுகளுக்குள் லாபத்தை எதிர்பார்த்து வெளியேற துடிக்கின்றன, ஆனால் இது தற்போதைய வணிக யதார்த்தத்திற்கு பொருந்தாது என்று அவர் திட்டவட்டமாக தெரிவித்தார்.
முதலீட்டாளர்களுக்கு உள்ள சவால்
விளையாட்டு ஒளிபரப்பு உரிமைகளை (Sports Rights) வாங்குவதற்கான செலவு பல மடங்கு அதிகரித்துள்ளது. ஆனால், பயனர்களிடமிருந்து கிடைக்கும் வருவாய் (ARPU - Average Revenue Per User) அந்த அளவிற்கு வளரவில்லை. இந்த இடைவெளிதான் தற்போது பெரிய நிறுவனங்களுக்கு பெரும் தலைவலியாக மாறியுள்ளது. பல கோடி மக்கள் பார்த்தாலும், அதற்கேற்ற வருவாயை ஈட்ட முடியாமல் நிறுவனங்கள் திணறி வருகின்றன.
JioStar-ன் அடுத்தகட்ட திட்டம்
JioStar நிறுவனம் தனது நீண்டகால முதலீடுகளை மறுபரிசீலனை செய்யத் தொடங்கியுள்ளதாகத் தெரிகிறது. ஏற்கனவே போடப்பட்ட ஒப்பந்தங்களை மீண்டும் பேச்சுவார்த்தை நடத்துவது அல்லது தற்போதைய வருவாய் சூழலுக்கு ஏற்ப அவற்றை மாற்றி அமைப்பது குறித்து நிறுவனம் ஆலோசித்து வருகிறது. எளிமையான ஒளிபரப்பைத் தாண்டி, நிலையான மற்றும் நீடித்த லாபத்தை நோக்கியே தங்களது கவனம் இருப்பதாக நிறுவனம் தெரிவித்துள்ளது.
டிஜிட்டல் வளர்ச்சி மற்றும் புதிய வாய்ப்புகள்
பாரம்பரியமான லீனியர் தொலைக்காட்சிகள் மெல்ல மெல்ல செல்வாக்கை இழந்து வருகின்றன. அதற்கு பதிலாக, கன்டெக்டட் டிவி (Connected TV) தளங்கள் பெரும் வளர்ச்சியை நோக்கி நகர்கின்றன. கிரிக்கெட்டைத் தாண்டி கபடி போன்ற விளையாட்டுகள் சுமார் 45 கோடி ரசிகர்களை ஈர்த்துள்ளன. எனவே, குறிப்பிட்ட விளையாட்டுகளை மட்டுமே நம்பியிருக்காமல், கன்டென்ட் டைவர்சிஃபிகேஷன் (Content Diversification) செய்வதன் மூலம் மட்டுமே இந்த துறையில் வெற்றி பெற முடியும் என்று உதய்சங்கர் வலியுறுத்தியுள்ளார்.