Reliance Capital மற்றும் அதன் முன்னாள் நிர்வாகத்தினர் மீது CBI FIR பதிவு செய்துள்ளது. LIC முதலீடு செய்த **₹3,900 கோடியில்**, **₹2,684.57 கோடி** முறைகேடு நடந்ததாக புகார் எழுந்துள்ளது.
முறைகேடு என்ன?
மத்திய புலனாய்வு அமைப்பு (CBI), Reliance Capital Limited நிறுவனத்தின் மீது வழக்குப் பதிவு செய்துள்ளது. இந்த வழக்கில் முன்னாள் தலைவர் அனில் அம்பானி மற்றும் முன்னாள் நிர்வாக இயக்குநர் சதீஷ் சேத் உள்ளிட்டோர் பெயர்கள் இடம்பெற்றுள்ளன. 2012 ஏப்ரல் முதல் 2018 மார்ச் வரையிலான காலகட்டத்தில், LIC நிறுவனம் Reliance Capital-ன் நான்-கன்வெர்டிபிள் டிபெஞ்சர்களில் (Non-convertible debentures) முதலீடு செய்திருந்தது. இந்தத் தொகை தவறாக திசைதிருப்பப்பட்டதாகப் புகார் அளிக்கப்பட்டுள்ளது.
CBI-யின் குற்றச்சாட்டுகள்
LIC மொத்தம் ₹3,900 கோடி முதலீடு செய்திருந்தது. தவறான தகவல்களைக் கூறி முதலீட்டை ஈர்த்ததாகவும், பின்னர் அந்தப் பணம் முறைகேடாகப் பயன்படுத்தப்பட்டதாகவும் CBI தரப்பில் கூறப்படுகிறது. குற்றச்சதி, ஏமாற்றுதல் மற்றும் கணக்குகளைத் தில்லுமுல்லு செய்தல் உள்ளிட்ட பிரிவுகளின் கீழ் வழக்கு பதியப்பட்டுள்ளது. இதன் மூலம் அரசு நிறுவனமான LIC-க்கு ₹2,684.57 கோடி இழப்பு ஏற்பட்டுள்ளதாக மதிப்பிடப்பட்டுள்ளது.
முக்கிய விளக்கம்
இந்த விவகாரம் தற்போது ஹிந்துஜா குழுமத்தின் (Hinduja Group) வசம் இருக்கும் Reliance Capital-ன் இன்றைய செயல்பாடுகளைப் பாதிக்காது என்பது குறிப்பிடத்தக்கது. 2021 நவம்பர் மாதமே ரிசர்வ் வங்கி இந்த நிறுவனத்தின் போர்டைக் கலைத்து, திவால் நடவடிக்கை (Insolvency Resolution) மேற்கொண்டது. தற்போது CBI விசாரிக்கப்படுவது, அந்த நிறுவனத்தின் பழைய நிர்வாகம் இருந்த காலக்கட்டத்தைச் சேர்ந்தது.
அனில் அம்பானி தரப்பில் இந்த குற்றச்சாட்டுகள் மறுக்கப்பட்டுள்ளன. இது பழைய விவகாரம் என்றும், அவர் அப்போது நான்-எக்ஸிகியூட்டிவ் தலைவராக மட்டுமே இருந்தார் என்றும் அவரது செய்தித் தொடர்பாளர் தெரிவித்துள்ளார்.