சோலார் எனர்ஜி துறையில் முன்னணி நிறுவனமான Vishakha Renewables, ரூ.1,250 கோடி மதிப்பிலான IPO-விற்கு SEBI-யிடம் விண்ணப்பித்துள்ளது. இந்த நிதி நிறுவனம் தனது கடன்களை அடைக்க பயன்படுத்தப்பட உள்ளது.
சோலார் எனர்ஜி சாதனங்களை தயாரிக்கும் முக்கிய நிறுவனமான Vishakha Renewables, பங்குச்சந்தையில் நுழையத் தயாராகி வருகிறது. இதற்காக நிறுவனம் சந்தை கட்டுப்பாட்டாளரான SEBI-யிடம் தனது வரைவு அறிக்கையை (DRHP) சமர்ப்பித்துள்ளது. இந்த IPO-வின் மூலம் மொத்தம் ₹1,250 கோடி புதிய பங்குகள் மற்றும் 1.81 கோடி பங்குகள் விற்பனை (OFS) மூலம் திரட்டப்பட உள்ளன.
கடன் சுமையை குறைக்கும் திட்டம்
நிறுவனம் திரட்டும் இந்த நிதியில் சுமார் ₹900 கோடி தனது தற்போதைய கடன் சுமையைக் குறைக்கப் பயன்படுத்தப்பட உள்ளது. தற்போது நிறுவனத்தின் மொத்த கடன் ₹2,700.5 கோடி என்ற அளவில் உள்ளது குறிப்பிடத்தக்கது. கடனை அடைப்பதன் மூலம் நிறுவனத்தின் இருப்புநிலை (Balance Sheet) வலுப்பெறும் என எதிர்பார்க்கப்படுகிறது.
உற்பத்தி திறன் மற்றும் நிதி நிலை
குஜராத்தின் முந்த்ராவை தலைமையிடமாகக் கொண்டு செயல்படும் இந்த நிறுவனம், சோலார் கிளாஸ் மற்றும் பேக் ஷீட் தயாரிப்பில் ஈடுபட்டுள்ளது. தற்போது நாளொன்றுக்கு 660 டன் உற்பத்தித் திறனைக் கொண்டுள்ள நிறுவனம், கூடுதலாக 1,260 டன் திறனை எட்டும் பணியில் உள்ளது.
நிதியாண்டு 2026-ன் படி, நிறுவனத்தின் வருவாய் ₹1,893.4 கோடி ஆக உயர்ந்துள்ளது. இது முந்தைய ஆண்டை விட 24.8% வளர்ச்சியாகும். லாபத்தைப் பொறுத்தவரை, கடந்த ஆண்டு ₹56.5 கோடியாக இருந்த நிலையில், இந்த ஆண்டு ₹173.4 கோடியாக கணிசமாக அதிகரித்துள்ளது.
அதானி குழுமத்தின் பங்களிப்பு
நிறுவனத்தின் உரிமையாளர் கட்டமைப்பில் அதானி குழுமத்தின் ஆதிக்கம் அதிகம். Adani Properties நிறுவனம் 39.14% பங்குகளைக் கொண்டுள்ளது. மேலும் கௌதம் அதானி, ராஜேஷ் அதானி மற்றும் வினோத் அதானி உள்ளிட்டோர் குடும்ப உறுப்பினர்களாக உள்ளதால், மொத்தம் 75.61% பங்குகள் புரமோட்டர்கள் வசம் உள்ளன. சந்தை நிலவரத்தைப் பொறுத்து ₹250 கோடி வரை ப்ரீ-IPO பிளேஸ்மென்ட் செய்யவும் நிறுவனம் பரிசீலித்து வருகிறது.