SFC Environmental Technologies நிறுவனம் தனது ஐபிஓ (IPO) தேதியை அறிவித்துள்ளது. அக்டோபர் 27 முதல் தொடங்கும் இந்த வெளியீடு மூலம் நிறுவனம் ரூ.150 கோடியை திரட்ட உள்ளது.
நீர் சுத்திகரிப்பு மற்றும் மறுசுழற்சி துறையில் ஈடுபட்டுள்ள SFC Environmental Technologies நிறுவனம், தனது ஐபிஓ-வை அக்டோபர் 27, 2026 அன்று தொடங்குகிறது. இந்த வெளியீடு அக்டோபர் 29 வரை நீடிக்கும், மேலும் institutional முதலீட்டாளர்களுக்கு அக்டோபர் 26 அன்று ஆங்கர் புக் (Anchor Book) வசதி வழங்கப்பட உள்ளது. பங்குகள் நவம்பர் 3 அன்று சந்தையில் பட்டியலிடப்படும் என எதிர்பார்க்கப்படுகிறது.
ஐபிஓ விவரங்கள்:
இந்த பொது வெளியீடு மூலம் நிறுவனம் புதிய பங்குகள் வழியாக ₹150 கோடி நிதி திரட்டுகிறது. நிறுவனத்தின் தற்போதைய கடனை குறைப்பதே இதன் முக்கிய நோக்கம். ஜூலை 2026 நிலவரப்படி நிறுவனத்தின் மொத்த கடன் ₹253.1 கோடி ஆகும். இதில் ₹42.2 கோடி கடனை அடைக்கவும், ₹74.9 கோடி செயல்பாட்டு மூலதனத் தேவைக்கும் பயன்படுத்தப்பட உள்ளது.
நிறுவனத்தின் பலம்:
2005-ல் தொடங்கப்பட்ட இந்த நிறுவனம் தற்போது ₹1,202 கோடி மதிப்பிலான ஆர்டர் புக் (Order Book) வைத்துள்ளது. இதில் ₹641 கோடி நீர் சுத்திகரிப்பு திட்டங்களுக்காகவும், ₹561 கோடி மறுசுழற்சி திட்டங்களுக்காகவும் ஒதுக்கப்பட்டுள்ளது.
நிதி நிலைமை:
ஜூன் 2026 காலாண்டில் நிறுவனம் ₹133.9 கோடி வருவாய் ஈட்டியுள்ளது. இது கடந்த ஆண்டை விட இரண்டு மடங்கு அதிகம். அதேபோல், லாபத்தில் நிறுவனம் மீண்டும் கால் பதித்துள்ளது. ஜூன் காலாண்டில் நிறுவனம் ஈட்டிய லாபம் ₹1.5 கோடி ஆகும். இருப்பினும், அதிக கடன் சுமை மற்றும் போட்டி மிகுந்த சூழலில், நிறுவனம் தனது லாபத்தை எப்படி நிலைநிறுத்தப் போகிறது என்பதை முதலீட்டாளர்கள் கவனிக்க வேண்டும்.