NSE Emerge தளத்தில் பட்டியலிடப்பட்ட Qualiance International பங்குகள், வெளியீட்டு விலையான ₹127-ஐ விட 77% உயர்ந்து ₹224.90-க்கு வர்த்தகத்தை தொடங்கியது.
NSE Emerge தளத்தில் இன்று களமிறங்கிய Qualiance International பங்குகள், முதலீட்டாளர்களுக்கு அமோக வரவேற்பை அளித்துள்ளது. நிறுவனத்தின் IPO விலை ₹127 ஆக இருந்த நிலையில், இன்று ₹224.90 என்ற விலையில் வர்த்தகம் தொடங்கி முதலீட்டாளர்களுக்கு 77.09% லாபத்தை வாரி வழங்கியுள்ளது.
இந்த அதிரடி பட்டியலிடலுக்கு முக்கிய காரணம், நிறுவனத்தின் IPO-வுக்கு கிடைத்த மவுசுதான். மொத்தமாக ₹45.11 கோடி மதிப்புள்ள இந்த SME IPO, 459.22 மடங்கு சப்ஸ்கிரைப் செய்யப்பட்டது. இருப்பினும், SME பங்குகள் என்பதால் பெரிய நிறுவன பங்குகளை விட இதில் கூடுதல் ஏற்ற இறக்கங்கள் (Volatility) இருக்கும் என்பதை முதலீட்டாளர்கள் கவனத்தில் கொள்ள வேண்டும்.
திருப்பூர் விரிவாக்கம்
பெர்பார்மன்ஸ் மற்றும் டெக்னிக்கல் ஆடைகளைத் தயாரிக்கும் இந்நிறுவனம், IPO மூலம் திரட்டப்பட்ட நிதியில் சுமார் ₹38 கோடி முதலீட்டில் திருப்பூரில் புதிய உற்பத்தி ஆலை அமைக்கத் திட்டமிட்டுள்ளது. சர்வதேச சந்தையின் தேவையை பூர்த்தி செய்ய இந்த விரிவாக்கம் உதவும் என நிர்வாகம் நம்புகிறது.
கவனிக்க வேண்டிய ரிஸ்க்குகள்
நிறுவனத்தின் வளர்ச்சி ஒருபுறம் இருந்தாலும், சில முக்கிய சவால்கள் உள்ளன:
- கிளைன்ட் கான்சென்ட்ரேஷன்: வருவாயில் பெரும் பகுதி ஒரு சில முக்கிய வாடிக்கையாளர்களிடமிருந்து மட்டுமே வருகிறது. இதனால் ஒரு கிளைன்ட்டை இழந்தாலும் நிறுவனத்தின் லாபம் பாதிக்கப்படலாம்.
- ஏற்றுமதி சார்ந்து இருத்தல்: சுவிட்சர்லாந்து போன்ற குறிப்பிட்ட வெளிநாட்டு சந்தைகளை மட்டும் நம்பியிருப்பதால், அந்த நாடுகளின் பொருளாதார மாற்றங்கள் வர்த்தகத்தை பாதிக்கலாம்.
- சப்ளை செயின்: ஆடைகள் தயாரிக்கத் தேவையான மூலப்பொருட்களை இறக்குமதி செய்வதால், உலகளாவிய சப்ளை செயின் பாதிப்புகள் அல்லது கரன்சி மதிப்பு மாற்றங்கள் நிறுவனத்தின் செலவை உயர்த்தலாம்.
புதிய தொழிற்சாலை அமைக்கும் பணி மற்றும் ஏற்றுமதி ஆர்டர்களின் நிலைத்தன்மை ஆகியவற்றைப் பொறுத்தே இந்த பந்தின் நீண்டகால வெற்றி அமையும்.