ஆகுஸ்ட் 31, 2026 அன்று Purple Style Labs நிறுவனத்தின் IPO சந்தைக்கு வருகிறது. மொத்தம் **₹680 கோடி** மதிப்பிலான இந்த பங்குகளில், ஆங்கர் முதலீட்டாளர்கள் மூலம் ஏற்கனவே **₹306 கோடி** திரட்டப்பட்டுள்ளது.
லக்ஸரி ஃபேஷன் விற்பனை நிறுவனமான Purple Style Labs, தனது ஐபிஓ (IPO) வெளியீட்டை ஆகஸ்ட் 31, 2026 அன்று தொடங்குகிறது. செப்டம்பர் 2, 2026 வரை முதலீட்டாளர்கள் விண்ணப்பிக்கலாம். இந்த ஐபிஓ-வின் விலை வரம்பு ₹546 முதல் ₹575 வரை நிர்ணயிக்கப்பட்டுள்ளது.
எதற்காக நிதி திரட்டப்படுகிறது?
மொத்தம் ₹680 கோடி திரட்ட திட்டமிடப்பட்டுள்ளது. இதில் ₹371.13 கோடியை நிறுவனத்தின் அலுவலகம் மற்றும் எக்ஸ்பீரியன்ஸ் சென்டர்களின் வாடகை ஒப்பந்தங்களுக்குச் செலுத்தப் பயன்படுத்துகின்றனர். மேலும் ₹138.90 கோடி விளம்பர மற்றும் மார்க்கெட்டிங் செலவுகளுக்காக ஒதுக்கீடு செய்யப்பட்டுள்ளது. Pernia’s Pop-Up Shop மூலம் சுமார் 1,100-க்கும் மேற்பட்ட டிசைனர் பிராண்டுகளை இந்த நிறுவனம் கையாள்கிறது.
நிதி நிலவரம் என்ன?
மார்ச் 31, 2026 வரையிலான நிதியாண்டில் நிறுவனம் ₹557.84 கோடி வருவாய் ஈட்டியிருந்தாலும், ₹285.40 கோடி நஷ்டத்தைச் சந்தித்துள்ளது. மேலும், நிறுவனத்தின் நடப்பு சொத்துக்களை விட, நடப்பு பொறுப்புகள் (Liabilities) ₹255.12 கோடி அதிகமாக இருப்பது நிதி ரீதியான சவாலாகப் பார்க்கப்படுகிறது.
முதலீட்டாளர்கள் கவனத்திற்கு!
சொகுசு ஃபேஷன் மற்றும் திருமண ஆடைகள் சார்ந்த பிசினஸ் என்பதால், பொருளாதார மாற்றங்கள் மற்றும் நுகர்வோர் செலவு செய்யும் மனநிலை இந்த நிறுவனத்தின் லாபத்தைப் பாதிக்கும். நிறுவனம் லாபப் பாதைக்குத் திரும்புவதையும், அதன் செயல்பாட்டுச் செலவுகளைக் குறைப்பதையும் பொறுத்திருந்துதான் பார்க்க வேண்டும்.