அகமதாபாத்தை சேர்ந்த German Green Steel and Power நிறுவனம், தனது ரூ.303.9 கோடி IPO-க்கு முன்னதாக, முன்னணி முதலீட்டாளர்களிடமிருந்து ரூ.91.17 கோடியை திரட்டியுள்ளது. இந்த பொதுப்பங்கு வெளியீடு செப்டம்பர் 25-ம் தேதி தொடங்குகிறது.
ஆங்கர் முதலீட்டாளர்களின் வருகை
பொதுப் பங்கு வெளியீட்டிற்கு முன்னதாக, German Green Steel and Power தனது ஆங்கர் முதலீட்டாளர் சுற்றை வெற்றிகரமாக முடித்துள்ளது. இதில் மொத்தம் 6 முன்னணி நிறுவனங்கள் பங்கேற்றுள்ளன. இதில் Necta Bloom ₹30 கோடி முதலீடு செய்துள்ளது, அதேபோல் Lords MultiGrowth Fund ₹20 கோடி பங்களித்துள்ளது. மேலும் Zeal Global Opportunities Fund மற்றும் Venus Investments போன்ற நிறுவனங்களும், பங்கின் மேல்நிலை விலையான ₹132 - ₹139 வரம்பில் பங்குகளை வாங்கியுள்ளன. இந்த IPO செப்டம்பர் 25-ம் தேதி தொடங்கி 29-ம் தேதி நிறைவடைகிறது.
முதலீட்டுத் திட்டமும் கடன் சுமையும
இந்த IPO மூலம் திரட்டப்படும் ₹303.9 கோடி நிதியில், ₹290 கோடி புதிய பங்குகள் மூலமாகவும், ₹13.9 கோடி பழைய பங்குகளை விற்பனை செய்வதன் (OFS) மூலமாகவும் திரட்டப்படுகிறது. இதில் சுமார் ₹226.3 கோடி குஜராத்தின் சமகியாலியில் உள்ள தொழிற்சாலை விரிவாக்கத்திற்குப் பயன்படுத்தப்பட உள்ளது. செலவுகளைக் குறைக்க காற்றாலை மற்றும் சூரியசக்தி மின் உற்பத்தி திட்டங்களையும் நிறுவனம் முன்னெடுக்கிறது.
முதலீட்டாளர்கள் கவனிக்க வேண்டிய மிக முக்கியமான விஷயம் நிறுவனத்தின் கடன். ஆகஸ்ட் 2026 நிலவரப்படி, நிறுவனத்தின் கடன் அளவு ₹344.13 கோடி ஆக உள்ளது. இதில் ₹7.7 கோடி மட்டுமே கடனை அடைக்க ஒதுக்கப்பட்டுள்ளது. அதாவது, நிறுவனம் தனது லாபத்தின் பெரும்பகுதியை கடன் தீர்ப்பதை விட, விரிவாக்கத்திற்கே முக்கியத்துவம் கொடுக்கிறது.
சந்தை சவால்கள்
Steel துறையானது சந்தை ஏற்ற இறக்கங்களுக்கு உட்பட்டது. மூலப்பொருள் விலை மற்றும் கட்டுமானத் தேவையைப் பொறுத்தே லாபம் அமையும். விரிவாக்கப் பணிகளில் தாமதம் ஏற்பட்டால், அது நிறுவனத்தின் லாப வரம்பை (Profit Margins) பாதிக்கும் அபாயம் உள்ளது. வரும் அக்டோபர் 5-ம் தேதி பங்குச்சந்தை வர்த்தகத்திற்கு வரவுள்ள இந்த பங்கில் முதலீடு செய்யத் திட்டமிடுபவர்கள், நிறுவனத்தின் கடன் மேலாண்மை மற்றும் விரிவாக்கப் பணிகளின் வேகத்தைக் கூர்ந்து கவனிக்க வேண்டும்.