அமெரிக்க தொழிலாளர் துறை TCS, Infosys, Wipro உள்ளிட்ட 8 முக்கிய டெக் நிறுவனங்களுக்கான PERM விசா சான்றிதழ் திட்டத்தை திடீரென நிறுத்தியுள்ளது. புதிய கிரீன் கார்டு விண்ணப்பங்களுக்குத் தடை விதிக்கப்பட்டுள்ளதால் பெரும் பரபரப்பு ஏற்பட்டுள்ளது.
அக்டோபர் 8, 2026 அன்று அமெரிக்க தொழிலாளர் துறை (US Department of Labor) எடுத்த இந்த முடிவு, இந்திய ஐடி துறையில் பெரும் அதிர்வலைகளை ஏற்படுத்தியுள்ளது. TCS, Infosys, Wipro, HCLTech ஆகிய நிறுவனங்களுடன் Cognizant, Capgemini, Microsoft மற்றும் Adobe ஆகிய நிறுவனங்களும் இந்தத் தடையில் சிக்கியுள்ளன. ஒரு வெளிநாட்டவர் அமெரிக்காவில் நிரந்தரமாகத் தங்கிப் பணியாற்றத் தேவையான 'கிரீன் கார்டு' பெற, இந்த PERM சான்றிதழ் மிக முக்கியமானது. இது முடக்கப்பட்டுள்ளதால் புதிய விண்ணப்பங்கள் பரிசீலிக்கப்படாது.
நிறுவனங்கள் மற்றும் பணியாளர்களுக்குப் பாதிப்பு என்ன?
தற்போது அமெரிக்காவில் H-1B விசாவில் பணிபுரியும் ஊழியர்களுக்கு இந்தத் தடையால் உடனடி பாதிப்பு ஏதுமில்லை. அவர்களின் அன்றாடப் பணிகள் தடையின்றி நடக்கும். ஆனால், நீண்ட கால அடிப்படையில் அமெரிக்காவில் குடியேறத் திட்டமிடும் திறமையான ஊழியர்களைத் தக்கவைப்பதில் நிறுவனங்களுக்குச் சவால் எழலாம். இது ஊழியர் வெளியேற்றத்தை (Attrition) அதிகரிக்கவும், ஆட்சேர்ப்பு செலவுகளை உயர்த்தவும் வாய்ப்புள்ளது.
தூதரக மோதலும் பங்குச்சந்தை அப்டேட்டும்
இந்த விவகாரம் அமெரிக்க துணை அதிபர் JD Vance-ன் சமீபத்திய சர்ச்சைக்குரிய கருத்துகளுடன் சேர்ந்து கூடுதல் கவனத்தைப் பெற்றுள்ளது. H-1B விசா வைத்திருப்பவர்களைக் கொத்தடிமைகளுடன் ஒப்பிட்ட அவரது பேச்சுக்கு இந்திய வெளியுறவு அமைச்சகம் கண்டனம் தெரிவித்துள்ளது.
இருப்பினும், சந்தையின் எதிர்வினை ஆச்சரியமாக உள்ளது. அக்டோபர் 9, 2026 அன்று இந்திய ஐடி பங்குகள் வீழ்ச்சியடையாமல், Nifty IT இண்டெக்ஸ் 3%-க்கும் மேல் உயர்ந்தது. வலுவான குவாட்டர்லி ரிசல்ட்கள் மற்றும் ஏற்கனவே இத்தகைய அபாயங்களை முதலீட்டாளர்கள் எதிர்பார்த்திருந்தது இதற்கு முக்கியக் காரணமாகக் கூறப்படுகிறது.