அமெரிக்காவின் Illinois மாகாணத்தில் உள்ள இந்துக் கோயில் ஒன்றில் தாக்குதல் நடத்தத் திட்டமிட்ட 19 வயது வாலிபர் Alexandros Paporakis என்பவரை போலீசார் கைது செய்துள்ளனர். அவரது துப்பாக்கி பழுதடைந்ததால் பெரும் அசம்பாவிதம் தவிர்க்கப்பட்டது.
அமெரிக்காவின் Palatine பகுதியில் உள்ள இந்துக் கோயிலை இலக்கு வைத்து தாக்குதல் நடத்த முயன்ற 19 வயது இளைஞர் Alexandros Paporakis என்பவரை உள்ளூர் போலீசார் கைது செய்துள்ளனர். தீவிரவாத எண்ணம் கொண்ட அந்த வாலிபர், தெற்காசிய மற்றும் இந்திய வம்சாவளியினரை குறிவைத்து தாக்குதல் நடத்தத் திட்டமிட்டிருந்தது விசாரணையில் தெரியவந்துள்ளது.
எப்படி தவிர்ந்தது அசம்பாவிதம்?
சம்பவத்தன்று அந்த வாலிபர், மாற்றியமைக்கப்பட்ட AR-style ரக துப்பாக்கி, தோட்டாக்கள் மற்றும் பாதுகாப்பு கவசங்களுடன் (Body Armor) கோயிலுக்கு வந்துள்ளார். அவர் தாக்குதலைத் தொடங்க முயன்றபோது, எதிர்பாராதவிதமாக அவரது துப்பாக்கி பழுதடைந்து (Jam) இயங்கவில்லை. இதனால், பழுதுபார்க்க தனது இருப்பிடத்திற்குத் திரும்பியபோது, தனது திட்டத்தைப் பற்றி மற்றவரிடம் பகிர்ந்துள்ளார். இந்தத் தகவல் கிடைத்தவுடன், Mount Prospect மற்றும் Palatine காவல்துறையினர் துரிதமாகச் செயல்பட்டு அவரை கைது செய்தனர்.
தற்போதைய நிலை
இந்தச் சம்பவம் வட அமெரிக்காவில் உள்ள இந்திய சமூகத்தினரிடையே பெரும் அச்சத்தை ஏற்படுத்தியுள்ளது. நவராத்திரி மற்றும் துர்கா பூஜை பண்டிகை காலங்களில் இந்தச் சதி நடந்திருப்பது கூடுதல் கவலையை அளித்துள்ளது. தற்போது அந்த வாலிபர் Cook County நீதிமன்றத்தில் ஆஜர்படுத்தப்பட்டு, தீவிரவாத மிரட்டல் மற்றும் சட்டவிரோதமாக ஆயுதம் வைத்திருந்த குற்றச்சாட்டுகளுக்காக காவலில் வைக்கப்பட்டுள்ளார்.
FBI அமைப்பு இந்த வழக்கை கையில் எடுத்துள்ளது. அவனது மின்னணுத் தொடர்புகளை ஆய்வு செய்து, வேறு ஏதேனும் தீவிரவாதக் குழுக்களுடன் தொடர்பு உள்ளதா என்பது குறித்து விசாரணை நடத்தி வருகின்றனர்.