4-Layer மோட்டார் இன்சூரன்ஸ் கட்டமைப்பு குறித்து சமூக வலைதளங்களில் பரவும் தகவல்களில் உண்மையில்லை. 2026 டிசம்பர் 15-ல் இது அமலாகாது என்று தெளிவுபடுத்தியுள்ளது IRDAI.
வதந்தியும் உண்மையும்
2026 டிசம்பர் 15 முதல் நான்கு அடுக்கு (4-Layer) மோட்டார் இன்சூரன்ஸ் கட்டாயம் என பரவும் செய்திகள் தவறானவை. சுப்ரீம் கோர்ட் இது குறித்து ஆராய அறிவுறுத்தியதே தவிர, IRDAI இதுவரை எந்த அதிகாரப்பூர்வ உத்தரவையும் பிறப்பிக்கவில்லை. மூன்றாம் நபர் பாதுகாப்பு, பயணியர் பாதுகாப்பு, விபத்து காப்பீடு மற்றும் வாகன சேதம் ஆகியவற்றை தனித்தனியாக பிரிப்பதே இந்த திட்டத்தின் நோக்கம். ஆனால், இது தொடர்பாக தற்போதைக்கு எந்த அறிவிப்பும் இல்லை.
முதலீட்டாளர்களின் கவனம் இங்கேதான் இருக்க வேண்டும்
தற்போது இன்சூரன்ஸ் துறை நிறுவனங்கள் மற்றும் பங்குச்சந்தை முதலீட்டாளர்கள் கவனிக்க வேண்டிய மிக முக்கியமான விஷயம், 'Recalibrating Economics of Insurance Distribution' என்ற ஆலோசனை அறிக்கை. கமிஷன் தொகையில் கட்டுப்பாடு (Commission Caps) மற்றும் நிர்வாகச் செலவுகளை முறைப்படுத்துவது தொடர்பாக IRDAI கொண்டு வரப்போகும் மாற்றங்களே சந்தையில் பெரிய தாக்கத்தை ஏற்படுத்தும்.
சந்தையில் பாதிப்பு ஏற்படுமா?
கடந்த அக்டோபர் மாதம் இந்த கமிஷன் சீர்திருத்தங்கள் குறித்த பேச்சு எழுந்தபோதே, இன்சூரன்ஸ் சார்ந்த பங்குகள் மற்றும் பின்டெக் நிறுவனங்களின் பங்குகள் அழுத்தத்தைச் சந்தித்தன. IRDAI தலைவர் அஜய் சேத் அவர்கள், அனைத்து தரப்பினருடனும் ஆலோசித்த பின்னரே இந்த மாற்றங்கள் அமல்படுத்தப்படும் என்று உறுதியளித்துள்ளார். கமிஷன் உச்சவரம்பு மற்றும் லாப வரம்பு எவ்வாறு மாறப்போகிறது என்பதைப் பொறுத்தே எதிர்கால லாபம் தீர்மானிக்கப்படும்.