Steel Authority of India (SAIL)-ன் புகழ்பெற்ற Bokaro பிளான்ட்டில், வேலைவாய்ப்பு கோரி நடக்கும் போராட்டத்தால் 11 கேட்களும் மூடப்பட்டு, ஒட்டுமொத்த தொழிற்சாலையும் முடக்கப்பட்டுள்ளது.
Steel Authority of India-வின் (SAIL) முக்கியமான தயாரிப்பு மையமான Bokaro ஸ்டீல் பிளான்ட்டில், போராட்டம் காரணமாக ஒட்டுமொத்த உற்பத்தியும் பாதிக்கப்பட்டுள்ளது. ஆலைக்குச் செல்லும் மற்றும் வெளியேறும் 11 கேட்களும் போராட்டக்காரர்களால் அடைக்கப்பட்டுள்ளதால், தொழிலாளர்கள் மற்றும் மூலப்பொருட்கள் போக்குவரத்து முற்றிலும் துண்டிக்கப்பட்டுள்ளது. எட்டாவது நாளாகத் தொடரும் இந்த போராட்டம், தற்போது ஆலையின் செயல்பாட்டை முடக்கும் அளவுக்கு தீவிரமடைந்துள்ளது.
பணி நியமனப் போராட்டம்
இந்த தொழிற்சாலையில் பயிற்சி பெற்ற 1,500 அப்பிரண்டிஸ்களை நிரந்தரப் பணியாளர்களாக மாற்ற வேண்டும் என்பதே போராட்டக்காரர்களின் முக்கிய கோரிக்கை. ஆனால், நிர்வாகம் தரப்பில் 950 பேர் மட்டுமே தகுதியுடையவர்கள் என்று கூறுகிறது. அக்டோபர் மாத தொடக்கத்தில் 204 பேர் ஒப்பந்தப் பணியாளர்களாக மாற்றப்பட்டதாகவும், மேலும் 50 பேருக்கு பாதுகாப்புப் பயிற்சி அளிக்கப்பட்டு வருவதாகவும் நிர்வாகம் விளக்கமளித்துள்ளது. ஆனால், 10% இட ஒதுக்கீடு போதாது எனப் போராட்டக்காரர்கள் வாதிடுகின்றனர்.
அரசியல் தலையீடும், முதலீட்டாளர்கள் கவனமும்
காங்கிரஸ் MLA ஸ்வேதா சிங், பாஜக எம்.பி துல்லு மஹதோ மற்றும் JLKM MLA ஜெயராம் மஹதோ போன்ற அரசியல் தலைவர்கள் போராட்டக்காரர்களுக்கு ஆதரவு தெரிவித்துள்ளதால், நிர்வாகத்திற்குத் தீர்வுகாணும் சூழல் சிக்கலாகியுள்ளது. இதற்கிடையில், திருவிழாக் காலத்தைப் பாதிக்கும் வகையில் செயல்படாமல் பேச்சுவார்த்தையில் ஈடுபட Bokaro டெபுடி கமிஷனர் அஜய் நாத் ஜா அறிவுறுத்தியுள்ளார்.
முதலீட்டாளர்களைப் பொறுத்தவரை, உற்பத்தியில் ஏற்படும் இழப்பு மற்றும் ஆர்டர் டெலிவரி காலக்கெடுவில் ஏதேனும் பாதிப்பு ஏற்படுமா என்பதே முக்கிய கவலை. நிர்வாகம் மற்றும் போராட்டக்காரர்களுக்கு இடையே பேச்சுவார்த்தை மூலம் சுமூகமான தீர்வு எட்டப்படுமா என்பதைப் பொறுத்திருந்துதான் பார்க்க வேண்டும்.