Ministry of Road Transport and Highways, நெடுஞ்சாலை கட்டுமான பணிகளுக்கு புதிய 'Performance-linked' முறையை கொண்டு வந்துள்ளது. திறமையான நிறுவனங்களுக்கு டெபாசிட் கட்டணத்தில் சலுகை அளிக்கப்படும்.
தேசிய நெடுஞ்சாலைத் திட்டங்களை செயல்படுத்தும் முறையில் அரசு முக்கிய மாற்றங்களைக் கொண்டு வந்துள்ளது. இதுவரை இருந்த 5% பெர்பார்மன்ஸ் செக்யூரிட்டி டெபாசிட் முறைக்கு பதிலாக, இப்போது நிறுவனங்களின் செயல்பாட்டுத் திறனைப் பொறுத்து இந்த கட்டணம் வசூலிக்கப்படும்.
புதிய கட்டண முறை:
- 80%-க்கு மேல் ரேட்டிங் பெற்ற நிறுவனங்களுக்கு: 3% டெபாசிட் மட்டும் போதும்.
- 70% - 80% ரேட்டிங் பெற்ற நிறுவனங்களுக்கு: 4% டெபாசிட்.
- 70%-க்கும் குறைவான ரேட்டிங் கொண்ட நிறுவனங்கள்: வழக்கம்போல 5% டெபாசிட் செலுத்த வேண்டும்.
இந்த மாற்றம் சிறப்பாகச் செயல்படும் கட்டுமான நிறுவனங்களின் பணப்புழக்கத்தை (Cash Flow) அதிகரிக்கும். டெபாசிட் தொகை குறையும்போது, அந்தத் தொகையை நிறுவனங்கள் திட்டத்தின் பணிகளுக்கு முதலீடு செய்ய முடியும். மேலும், மூலப்பொருள் விலை மாற்றம் மற்றும் காலதாமதத்தைச் சமாளிக்க புதிய ஃபார்முலாவையும் அரசு அறிமுகப்படுத்தியுள்ளது.
முதலீட்டாளர்கள் கவனிக்க வேண்டிய ரிஸ்க்குகள்:
அதே சமயம், இந்த புதிய விதிகளில் சில சவால்களும் உள்ளன. கட்டுமான தளங்களில் உயிரிழப்பு விபத்துகள் நடந்தால், சம்பந்தப்பட்ட நிறுவனங்களுக்குக் கடுமையான அபராதம் விதிக்கப்படும். இது நிறுவனங்களின் மார்ஜினை (Margin) நேரடியாக பாதிக்கும். மேலும், சிக்கலான சட்டப் பிரச்சனைகளைத் தீர்ப்பதற்கான 'ஆர்பிட்ரேஷன்' (Arbitration) விதிகளும் கடுமையாக்கப்பட்டுள்ளன. இது நிறுவனங்கள் சட்ட ரீதியாக க்ளைம் பெறுவதை கடினமாக்கலாம்.
National Highways Authority of India (NHAI) இந்த ஆண்டில் ஏற்கனவே 26 திட்டங்களை இந்த புதிய முறைக்குத் தேர்வு செய்துள்ளது. இன்ஃப்ரா நிறுவனங்களின் ரேட்டிங் மற்றும் பாதுகாப்பு விதிகளைப் பின்பற்றும் திறன் ஆகியவற்றைப் பொறுத்தே இனி இத்துறையின் வளர்ச்சி இருக்கும்.