செப்டம்பர் காலாண்டு நிதிநிலை அறிக்கையில் Dalmia Bharat நிறுவனம் மோசமான செயல்பாட்டை பதிவு செய்துள்ளது. இதனால் கம்பெனியின் ஷேர் விலை **52 வார கால லோ**-வை எட்டியுள்ளது. ஆபரேட்டிங் ப்ராஃபிட் **29%** சரிந்ததும், விற்பனை வளர்ச்சி மந்தமாக இருப்பதும் முதலீட்டாளர்களை கவலையில் ஆழ்த்தியுள்ளது.
லாப சரிவுக்கு என்ன காரணம்?
செப்டம்பர் காலாண்டில் Dalmia Bharat நிறுவனத்தின் ஆபரேட்டிங் ப்ராஃபிட் (EBITDA) சுமார் 29% சரிந்து ₹493 கோடியாக குறைந்துள்ளது. இதற்கு முக்கிய காரணம் விற்பனை வளர்ச்சி வெறும் 3% ஆக இருந்ததுதான். ஒட்டுமொத்த சிமெண்ட் துறையே 9-10% வளர்ச்சியை எட்டியுள்ள நிலையில், Dalmia Bharat தனது மார்க்கெட் ஷேரை இழந்து வருவது தெளிவாக தெரிகிறது.
லாபத்தை பாதித்த காரணிகள்
ஒரு டன் சிமெண்டிற்கான லாபம் (Profit per tonne) ₹694 என்ற பல காலாண்டுகளாக இல்லாத சரிவை சந்தித்துள்ளது. எரிபொருள் விலை உயர்வு மற்றும் JaiPrakash Associates-இடம் இருந்து வாங்கப்பட்ட சிமெண்ட் சொத்துக்களை ஒருங்கிணைக்கும் கூடுதல் செலவுகள் (ஒரு டன்னுக்கு ₹100-125) நிறுவனத்தின் லாபத்தை கணிசமாக குறைத்துள்ளன.
கடன் சுமை மற்றும் உற்பத்தி திறன்
நிறுவனத்தின் நிகர கடன் (Net Debt) தற்போது ₹5,722 கோடியாக அதிகரித்துள்ளது. இதனால் கடன்-லாப விகிதம் (Net-debt-to-operating-profit ratio) 1.5x-ல் இருந்து 2x ஆக உயர்ந்துள்ளது. ஆண்டுக்கு ₹3,000 கோடிக்கும் அதிகமாக விரிவாக்க பணிகளுக்காக முதலீடு செய்து வரும் நிலையில், இந்த கடன் சுமை முதலீட்டாளர்களுக்கு பெரும் சவாலாக பார்க்கப்படுகிறது.
ஆபரேஷனல் சவால்
நிறுவனம் புதிய தொழிற்சாலைகளை அமைத்து உற்பத்தியை பெருக்கினாலும், அதன் உற்பத்தி திறன் பயன்பாடு (Utilization rate) வெறும் 58% ஆக மட்டுமே உள்ளது. அதாவது, உற்பத்தி செய்யும் சிமெண்டையே முழுமையாக விற்பனை செய்ய முடியாமல் நிறுவனம் தடுமாறி வருகிறது. வரும் காலாண்டுகளில் பெல்காம் (Belgaum), புனே (Pune) மற்றும் கடப்பா (Kadapa) ஆகிய இடங்களில் உள்ள புதிய ஆலைகளின் செயல்பாடு எப்படி இருக்கும் என்பதே அனைவரது எதிர்பார்ப்பாக உள்ளது.