University of Hyderabad ஆராய்ச்சியாளர்கள், எலும்பு மாற்று (Medical Implants) அறுவை சிகிச்சைகளை மேம்படுத்த புதிய வகை டைட்டானியம்-கோபால்ட்-குரோமியம் உலோகக் கலவையை உருவாக்கியுள்ளனர்.
மருத்துவத் துறையில், குறிப்பாக எலும்பு மாற்று சிகிச்சைகளில் (Orthopedic implants) பயன்படுத்தப்படும் உலோகங்களில் புதிய மாற்றத்தை கொண்டு வர University of Hyderabad ஆராய்ச்சியாளர்கள் குழு முனைப்பு காட்டியுள்ளது. IIT Delhi, IIT Bhubaneswar மற்றும் CSIR-CECRI ஆகிய நிறுவனங்களின் உதவியுடன் இந்த 'மல்டி-பிரின்சிபல் எலிமெண்ட் அலாய்ஸ்' (MPEAs) உருவாக்கப்பட்டுள்ளது.
ஏன் இந்த புதிய கண்டுபிடிப்பு முக்கியம்?
தற்போது நடைமுறையில் இருக்கும் எலும்பு மாற்றுகள், மனித எலும்பின் அடர்த்தியை விட அதிக கடினத்தன்மை கொண்டவை. இதனால், நீண்ட கால பயன்பாட்டிற்குப் பிறகு எலும்புகள் வலுவிழந்து, மீண்டும் அறுவை சிகிச்சை செய்ய வேண்டிய கட்டாயம் ஏற்படுகிறது. மேலும், உடலின் வேதியியல் சூழலால் உலோகங்கள் அரிப்புக்கு (Corrosion) உள்ளாகும் அபாயமும் உள்ளது.
MPEA-வின் சிறப்பம்சங்கள்
ஆராய்ச்சியாளர்கள் டைட்டானியம், கோபால்ட் மற்றும் குரோமியம் ஆகியவற்றைச் சேர்த்து ஒரு புதிய கலவையை உருவாக்கியுள்ளனர். இதன் தனித்துவமான இயற்பியல் பண்புகள், மனித எலும்பின் நெகிழ்ச்சித்தன்மைக்கு இணையாக இருப்பதால், 'ஸ்ட்ரெஸ் ஷீல்டிங்' (Stress shielding) எனும் பாதிப்பைக் குறைத்து, இம்ப்ளான்ட்கள் கழன்று விழுவதைத் தடுக்க உதவுகிறது.
வணிக ரீதியான வாய்ப்புகள்
Advanced Healthcare Materials இதழில் வெளியிடப்பட்ட இந்த ஆய்வு, தற்போது ஆரம்ப கட்டத்தில் உள்ளது. மருத்துவ உபகரணத் தயாரிப்பாளர்கள் மற்றும் முதலீட்டாளர்கள் இதனை உன்னிப்பாக கவனித்து வருகின்றனர். வணிக ரீதியாக பயன்பாட்டிற்கு வருவதற்கு முன், நீண்ட கால மருத்துவ பரிசோதனைகள் (Clinical trials) மற்றும் கடுமையான ஒழுங்குமுறை ஒப்புதல்களைப் பெற வேண்டியுள்ளது. இருப்பினும், உயிரிப் பொருட்கள் (Biomaterials) துறையில் இது ஒரு மிகப்பெரிய மைல்கல்லாகக் கருதப்படுகிறது.