Uniform Code for Pharmaceutical Marketing Practices (UCPMP) விதியை கட்டாய சட்டமாக்குவது குறித்து ஆராய **3 பேர் கொண்ட கமிட்டியை** அமைக்க ஒன்றிய அரசுக்கு உச்ச நீதிமன்றம் உத்தரவிட்டுள்ளது.
மருந்து நிறுவனங்களின் மார்க்கெட்டிங் முறைகளில் வெளிப்படைத்தன்மையை கொண்டு வர உச்ச நீதிமன்றம் அதிரடி நடவடிக்கையில் இறங்கியுள்ளது. அக்டோபர் 8, 2026 அன்று நீதிபதிகள் விக்ரம் நாத் மற்றும் சந்தீப் மேத்தா அமர்வு, பார்மா நிறுவனங்கள் மருத்துவர்களுக்கு பரிசுகள் மற்றும் கமிஷன் வழங்குவதைக் கட்டுப்படுத்த புதிய கமிட்டியை அமைக்க உத்தரவிட்டுள்ளது.
வாலண்டரி-லிருந்து கட்டாய சட்டத்திற்கு?
தற்போது நடைமுறையில் உள்ள UCPMP 2024 விதிகள் வெறும் விருப்பத்தின் அடிப்படையிலானவை (Voluntary). ஆனால், இனி வரும் காலங்களில் இது சட்டப்பூர்வமான விதியாக மாற வாய்ப்புள்ளது. இது அமலுக்கு வந்தால், பார்மா நிறுவனங்களின் தற்போதைய சுய-ஒழுங்குமுறை காலம் முடிவுக்கு வந்து, கடுமையான சட்டக் கட்டுப்பாடுகள் அமலாகும்.
முதலீட்டாளர்கள் கவனத்திற்கு!
பார்மா நிறுவனங்கள் தங்கள் வருவாயில் பெரும் பகுதியை மார்க்கெட்டிங் மற்றும் மருத்துவர்களுடனான தொடர்பிற்கு செலவிடுகின்றன. இந்த புதிய சட்டக் கட்டமைப்பு அமலுக்கு வந்தால், நிறுவனங்களின் நிர்வாகச் செலவுகள் (Administrative Burdens) அதிகரிக்கும். இது நிறுவனங்களின் லாப வரம்பை (Profit Margins) பாதிக்கலாம் என்பதால், பங்குச்சந்தையில் இது முக்கிய மாற்றமாக பார்க்கப்படுகிறது.
அடுத்த கட்டம் என்ன?
இந்த விவகாரத்தின் அடுத்த விசாரணை ஜனவரி 29, 2027-க்கு ஒத்திவைக்கப்பட்டுள்ளது. கமிட்டியின் பரிந்துரைகள் மற்றும் அரசு அதை எப்படி சட்டமாக்குகிறது என்பதைப் பொறுத்தே பார்மா துறை நிறுவனங்களின் வருங்கால வளர்ச்சி மற்றும் போட்டித்தன்மை அமையும்.