NPPA உத்தரவின்படி, வரும் நவம்பர் 9 முதல் 543 வகை ஜெனரிக் கேன்சர் மருந்துகளின் விலை குறைய உள்ளது. டிரேட் மார்ஜினை **30%** ஆக கட்டுப்படுத்தியிருப்பதால், இந்திய பார்மா நிறுவனங்களின் லாப வரம்பில் அழுத்தம் ஏற்பட வாய்ப்புள்ளது.
மருந்து விலைக் கட்டுப்பாட்டு ஆணையமான (NPPA), கேன்சர் சிகிச்சையில் பயன்படுத்தப்படும் 543 மருந்து பிராண்டுகளின் விலையைக் குறைக்க அதிரடியாக உத்தரவிட்டுள்ளது. நவம்பர் 9 முதல் அமலுக்கு வரும் இந்த புதிய விதிமுறையின்படி, மருந்துகளின் டிரேட் மார்ஜின் இனி 30%-க்கு மிகாமல் இருக்க வேண்டும்.
பார்மா நிறுவனங்களுக்கு சவால்
இந்த கட்டுப்பாடு Sun Pharma, Cipla, Dr. Reddy’s Laboratories, மற்றும் Natco Pharma போன்ற முக்கிய நிறுவனங்களுக்கு சவாலாக அமையலாம். நிறுவனங்கள் தங்களது அதிகபட்ச சில்லறை விலையை (MRP) குறைக்க வேண்டிய கட்டாயத்தில் உள்ளன. விற்பனை எண்ணிக்கையை (Sales Volume) உயர்த்தினால் மட்டுமே, குறையும் லாப வரம்பை இந்த நிறுவனங்களால் ஈடுகட்ட முடியும். எனவே, வரவிருக்கும் காலாண்டு முடிவுகளில் இந்த மருந்துகளின் விற்பனை எப்படி இருக்கிறது என்பதைக் கண்காணிப்பது அவசியம்.
ஜெனரிக் vs பேட்டன்ட் மருந்துகள்
இந்த விலை குறைப்பு ஜெனரிக் மருந்துகளுக்கு மட்டுமே பொருந்தும். Merck-ன் Keytruda, Bristol Myers Squibb-ன் Opdyta, AstraZeneca-வின் Tagrisso மற்றும் Imjudo போன்ற காப்புரிமை பெற்ற (Patented) உயர் ரக மருந்துகளுக்கு இந்த கட்டுப்பாடுகள் கிடையாது. இதனால், அந்த மருந்துகள் பழைய விலையிலேயே தொடரும்.
பின்னணி
தனியார் மருத்துவமனைகளில் கேன்சர் மருந்துகளின் அதீத விலையேற்றம் குறித்து உச்ச நீதிமன்றம் எழுப்பிய கவலையைத் தொடர்ந்து, இந்த நடவடிக்கை எடுக்கப்பட்டுள்ளது. மருந்துகளை தயாரிப்பவர் முதல் விற்பனையாளர் வரை உள்ள ஒட்டுமொத்த சப்ளை செயினையும் அரசு தற்போது தீவிரமாகக் கண்காணித்து வருகிறது. எதிர்காலத்தில் காப்புரிமை பெற்ற மருந்துகளின் விலை மீதும் அரசு நடவடிக்கை எடுக்குமா என்பது முதலீட்டாளர்கள் கவனிக்க வேண்டிய அடுத்த கட்ட ரிஸ்க் காரணியாகும்.