Max Healthcare Institute-ன் மூன்றாம் காலாண்டு (Q3 FY26) நிதிநிலை முடிவுகள் இரட்டைப் போக்குடன் காணப்பட்டன. முக்கியமாக, வருமானம் ஆண்டுக்கு 9% உயர்ந்து ₹2,484 கோடியை எட்டியுள்ளது. இதற்கு முக்கிய காரணம், ஒரு படுக்கைக்கு சராசரி வருவாய் (ARPOB) 3% அதிகரித்து ₹77,900 ஆக உயர்ந்ததுதான்.
முந்தைய காலாண்டுடன் ஒப்பிடுகையில் பின்னடைவு
ஆனால், முந்தைய காலாண்டோடு ஒப்பிடுகையில் சற்று பின்னடைவு காணப்பட்டது. முந்தைய காலாண்டில் ₹2,580 கோடி வருவாய் ஈட்டியிருந்த நிலையில், இந்த முறை அதன் அளவு குறைந்துள்ளது. அதேபோல், EBITDA ₹694 கோடியிலிருந்தும், நிகர லாபம் ₹554 கோடியிலிருந்தும் சரிந்துள்ளது. ஹாஸ்பிட்டல் ஆக்யூபன்சி 74% ஆக குறைந்துள்ளது. இது முந்தைய காலாண்டில் 77% ஆகவும், கடந்த ஆண்டைவிட 75% ஆகவும் இருந்தது. இதனால், EBITDA மார்ஜினும் 25.5% ஆக குறைந்துள்ளது. இது கடந்த காலாண்டில் 26.4% ஆக இருந்தது.
சரிவுக்கான காரணங்கள்
இந்த சரிவுக்கு சில காரணங்கள் உள்ளன. தற்காலிகமான கேஷ்லெஸ் பிரச்சனைகள், பொதுத்துறை நோயாளிகள் (PSU patients) வருகை அதிகரித்தது, மற்றும் சில காப்புரிமை பெற்ற கீமோதெரபி மருந்துகள் நிறுத்தப்பட்டது போன்றவை வருவாயை பாதித்துள்ளன. மேலும், CGHS கட்டண உயர்வு ஏப்ரல் 2026 வரை முழுமையாக அமலுக்கு வராததும் ஒரு காரணமாக கூறப்படுகிறது.
வளர்ச்சிப் பாதையில் மற்ற பிரிவுகள்
இருப்பினும், சில துறைகள் சிறப்பாக செயல்பட்டுள்ளன. Max@Home சேவையின் வருவாய் 23% ஆகவும், Max Lab-ன் வருவாய் 13% ஆகவும் அதிகரித்துள்ளது. வெளிநாட்டு நோயாளிகளிடமிருந்து கிடைத்த வருவாய் 14% உயர்ந்து, மொத்த மருத்துவமனை வருவாயில் 9% பங்களித்துள்ளது. நிறுவனம் தனது படுக்கை எண்ணிக்கையை 4,853 ஆக உயர்த்தியுள்ளது, இது கடந்த ஆண்டை விட 387 படுக்கைகள் அதிகம். மேலும், இந்த காலாண்டில் ₹408 கோடி முதலீடு செய்யப்பட்டுள்ளது. புனேவில் சுமார் 450 படுக்கைகள் கொண்ட மருத்துவமனையை வாங்கும் திட்டமும், மொஹாலி மற்றும் நானாவதி மேக்ஸ் போன்ற இடங்களில் விரிவாக்கப் பணிகளும் நீண்டகால வளர்ச்சியை உறுதி செய்யும் என எதிர்பார்க்கப்படுகிறது.