விலங்குகள் வதை தடுப்புச் சட்டத்தில் (Prevention of Cruelty to Animals) அரசு கொண்டுவந்துள்ள புதிய வரைவு மசோதா பெரிய விவாதத்தை கிளப்பியுள்ளது. மருந்து பரிசோதனைகளை மேற்கொள்ள இனி மத்திய அரசின் அனுமதி தேவையில்லை என்ற விதியால் முதலீட்டாளர்கள் என்ன செய்யப்போகிறார்கள்?
விலங்குகள் வதை தடுப்புச் சட்டத்தில் மாற்றங்களை கொண்டுவர மத்திய மீன்வளம், கால்நடை பராமரிப்பு மற்றும் பால்வள அமைச்சகம் ஒரு புதிய வரைவு அறிக்கையை வெளியிட்டுள்ளது. இதற்கு பொதுமக்கள் கருத்து தெரிவிக்க நவம்பர் 5, 2026 வரை கால அவகாசம் கொடுக்கப்பட்டுள்ளது.
சர்ச்சைக்குரிய விதி 11
இந்த வரைவு மசோதாவில் உள்ள Rule 11-ன் படி, இனி 'லேசான' (mild) மற்றும் 'மிதமான' (moderate) பரிசோதனைகளை அந்தந்த நிறுவனங்களின் உள்ளூர் குழுக்களே (IAECs) அங்கீகரிக்கலாம். இதற்கு மத்திய அரசின் CCSEA (Committee for Control and Supervision of Experiments on Animals) அமைப்பின் ஒப்புதல் கட்டாயமில்லை என்று கூறப்பட்டுள்ளது. இது பெரிய அளவிலான ஆய்வக முறைகேடுகளுக்கு வழிவகுக்கும் என விலங்குகள் நல ஆர்வலர்கள் குற்றம் சாட்டுகின்றனர்.
உலகளாவிய போக்கு என்ன?
தற்போது USFDA மற்றும் EMA போன்ற உலகளாவிய அமைப்புகள், விலங்கு பரிசோதனைகளைத் தவிர்த்து, AI தொழில்நுட்பம் மற்றும் 'New Approach Methodologies' (NAMs) முறைகளைப் பின்பற்றத் தொடங்கியுள்ளன. விலங்குகளில் வெற்றிபெறும் மருந்துகள், மனிதர்களில் தோல்வியடைவது மருந்து நிறுவனங்களுக்கு பெரும் பொருளாதார இழப்பை ஏற்படுத்துகிறது.
முதலீட்டாளர்கள் கவனத்திற்கு
தற்போது இந்த செய்தியால் எந்த நிறுவனத்தின் பங்குகளிலும் உடனடி சரிவு இல்லை என்றாலும், பார்மா மற்றும் CRO (Contract Research Organization) துறை சார்ந்த முதலீட்டாளர்கள் விழிப்புடன் இருக்க வேண்டும்.
- பாரம்பரிய முறையையே தொடரும் நிறுவனங்கள் எதிர்காலத்தில் சர்வதேச சந்தையில் பின்னடைவைச் சந்திக்கலாம்.
- புதிய தொழில்நுட்பங்களை முதலீடு செய்யும் நிறுவனங்களே நீண்ட கால அடிப்படையில் லாபகரமாக இருக்கும்.
மத்திய அரசு நவம்பர் மாதத்திற்குப் பிறகு இந்த வரைவு விதியை மாற்றியமைக்குமா அல்லது அப்படியே அமல்படுத்துமா என்பதைப் பொறுத்தே இந்திய பார்மா துறையின் எதிர்கால வளர்ச்சி அமையும்.