இந்தியாவில் மின்சார வாகனங்களை (EV) விட CNG வாகனங்களே சுற்றுச்சூழலுக்குக் குறைவான பாதிப்பை ஏற்படுத்துவதாக The Energy and Resources Institute (TERI) ஆய்வில் தெரியவந்துள்ளது.
இந்தியாவின் எரிசக்தி மாற்றத்தில் (Energy Transition) ஒரு புதிய பரிணாமத்தை தந்துள்ள இந்த ஆய்வு, இந்தியா மின்சாரத்தில் நிலக்கரியை (Coal) அதிகம் சார்ந்திருப்பதைச் சுட்டிக்காட்டுகிறது. மின்சார வாகனங்கள் ஓடும்போது புகை வெளியேற்றுவதில்லை என்றாலும், பேட்டரி தயாரிப்பு மற்றும் சார்ஜ் செய்வதற்குப் பயன்படுத்தப்படும் நிலக்கரி மின்சாரம் ஆகியவை அதிக கார்பன் தடம் (Carbon Footprint) கொண்டதாக இருக்கின்றன. இதனால், தற்போதைய நிலையில் CNG வாகனங்கள் ஈக்கோ-பிரண்ட்லியாக உள்ளன.
மின்சாரக் கட்டமைப்பு மற்றும் முதலீட்டு சவால்
இந்த ஆய்வு ஒரு வாகனத்தின் உற்பத்தி முதல் பயன்பாடு வரை உள்ள மொத்த செலவையும் (Lifecycle assessment) கணக்கிட்டுள்ளது. இந்திய மின்சாரக் கட்டமைப்பு பசுமை ஆற்றலுக்கு (Grid Decarbonization) மாறாத வரை, EV-களின் சுற்றுச்சூழல் மதிப்பெண் பின்தங்கியே இருக்கும். இது எதிர்காலத்தில் இந்திய சந்தையில் எந்தத் தொழில்நுட்பத்திற்கு முன்னுரிமை அளிக்க வேண்டும் என்பதில் தெளிவான மாற்றத்தைக் கோருகிறது.
வாகனப் பிரிவு வாரியான உத்தி
ஆய்வின்படி, டூ-வீலர் மற்றும் த்ரீ-வீலர் பிரிவில் EV-களே சிறந்த தேர்வாகும். ஆனால், கார்கள் மற்றும் பஸ்களுக்கு CNG-யும், நீண்ட தூர சரக்கு போக்குவரத்திற்கு LNG-யும் சிறப்பாகச் செயல்படும் என பரிந்துரைக்கப்பட்டுள்ளது.
கச்சா எண்ணெய் vs பேட்டரி தாதுக்கள்
இந்தியா இப்போது கச்சா எண்ணெயைச் சார்ந்திருப்பதை விட்டுவிட்டு, லித்தியம் (Lithium), கோபால்ட் (Cobalt) போன்ற பேட்டரி தாதுக்களை இறக்குமதி செய்வதைச் சார்ந்திருக்க வேண்டிய சூழல் உருவாகியுள்ளது. இது நாட்டின் எரிசக்தி பாதுகாப்பில் (Energy Security) புதிய சவால்களைக் கிளப்பியுள்ளது.
முதலீட்டாளர்கள் கவனத்திற்கு: வரும் காலங்களில் மத்திய அரசின் கொள்கைகள் எந்த தொழில்நுட்பத்திற்கு ஆதரவாக இருக்கப்போகின்றன என்பதைப் பொறுத்தே, City Gas Distribution (CGD) மற்றும் ஆட்டோமொபைல் நிறுவனங்களின் பங்குகள் செயல்படும். குறிப்பாக மின்சார உற்பத்தி எந்த வேகத்தில் பசுமை ஆற்றலுக்கு மாறுகிறது என்பதை உன்னிப்பாகக் கவனிக்க வேண்டும்.