இந்திய அணுசக்தி துறையில் தனியார் நிறுவனங்களின் என்ட்ரி: புதிய பாலிசியால் என்ன மாற்றம்?

இந்திய அரசு தனது அணுசக்தி கொள்கையில் மிகப்பெரிய மாற்றத்தைக் கொண்டு வந்துள்ளது. நீண்டகாலமாக அரசின் கட்டுப்பாட்டில் இருந்த இந்தத் துறை, தற்போது புதிய SHANTI Act மற்றும் ₹20,000 கோடி மதிப்பிலான Nuclear Energy Mission மூலம் தனியார் முதலீடுகளுக்கு வழிவகுத்துள்ளது. 2047-ம் ஆண்டிற்குள் 100 GW அணுசக்தி உற்பத்தியை எட்ட இலக்கு நிர்ணயித்துள்ளது அரசு.

களத்தில் குதிக்கும் ஸ்டார்ட்அப்கள்

பெங்களூரைச் சேர்ந்த Pranos Fusion நிறுவனம், காம்பாக்ட் டோகாமாக் (Tokamak) சாதனத்தை உருவாக்கி வருகிறது. இது 2027-க்குள் முதல் பிளாஸ்மா இக்னிஷனை எட்ட திட்டமிட்டுள்ளது. அதேபோல், ஐதராபாத்தைச் சேர்ந்த Anubal நிறுவனம் லேசர் சார்ந்த பியூஷன் உதிரிபாகங்களில் கவனம் செலுத்துகிறது. தொழிற்சாலைகள் மற்றும் டேட்டா சென்டர்களுக்குத் தேவையான 1–10 MW திறன் கொண்ட மைக்ரோ-மாடுலர் ரியாக்டர்களை Big Bang Boom நிறுவனம் வடிவமைத்து வருகிறது.

சப்ளை செயின் வாய்ப்புகள்

தற்போதுள்ள நிறுவனங்களுக்கு இது மிகப்பெரிய வாய்ப்பாக மாறியுள்ளது. உதாரணமாக, Unimech Aerospace and Manufacturing நிறுவனம், Nuclear Power Corporation of India-விற்கு உதிரிபாகங்களை வழங்க ₹87 கோடி மதிப்பிலான ஆர்டரைப் பெற்றுள்ளது. ஃியூஷன் தொழில்நுட்பம் என்பது நீண்டகால இலக்காக இருந்தாலும், துல்லியமான உற்பத்தித் திறன் கொண்ட நிறுவனங்களுக்கு இப்போதே வருவாய் ஈட்டும் வாய்ப்பு உருவாகியுள்ளது.

முதலீட்டாளர்கள் கவனத்திற்கு

அணுசக்தி துறை சாதாரண ஸ்டார்ட்அப் செக்டார் அல்ல என்பதை முதலீட்டாளர்கள் கவனத்தில் கொள்ள வேண்டும். ஒரு மைக்ரோ-ரியாக்டரை உருவாக்கவே சுமார் ₹1,000 கோடி வரை செலவாகும். மேலும், அணுசக்தி பாதுகாப்பு விதிகள் மற்றும் பொறுப்புடைமைச் சட்டங்கள் மிகக் கடுமையாக இருப்பதால், திட்டங்கள் முடிவடைய நீண்ட காலம் ஆகலாம். நிறுவனங்கள் பெரிய அளவிலான நிதி திரட்டுதல் மற்றும் பாதுகாப்பு தணிக்கைகளில் (Safety Audits) வெற்றி பெறுவதைப் பொறுத்தே இவற்றின் எதிர்கால லாபம் அமையும்.