பெட்ரோலிய அமைச்சகம் (Ministry of Petroleum and Natural Gas), பொதுத்துறை எரிசக்தி நிறுவனங்களின் ஆராய்ச்சி மற்றும் மேம்பாட்டு (R&D) பணிகளை ஒருங்கிணைக்க புதிய திட்டத்தைக் கொண்டு வந்துள்ளது. Centre for High Technology மையத்தை முதன்மை அமைப்பாக மாற்றி, தேவையற்ற செலவுகளைக் குறைக்க அரசு திட்டமிட்டுள்ளது.
பெட்ரோலிய அமைச்சகம், பொதுத்துறை எரிசக்தி நிறுவனங்களின் ஆராய்ச்சி மற்றும் மேம்பாட்டுத் திட்டங்களை இனி மையப்படுத்தப்பட்ட அமைப்பின் கீழ் கொண்டு வரத் திட்டமிட்டுள்ளது. தற்போதைய Centre for High Technology (CHT) அமைப்பு, இனி Central R&D Coordination Mechanism (CRCM) என்ற பெயரில் செயல்படும். இதுவே இனி அனைத்து நிறுவனங்களின் திட்ட ஒதுக்கீடு, நிதி மற்றும் செயல்திறனை கண்காணிக்கும் அதிகார மையமாக இருக்கும்.
ஏன் இந்த மாற்றம்?
தற்போது பல அரசு நிறுவனங்கள் தங்கள் ஆராய்ச்சிப் பிரிவுகளைத் தனித்தனியே நடத்தி வருகின்றன. இதனால் ஒரே மாதிரியான திட்டங்களுக்குத் தனித்தனியே நிதி செலவிடப்படுகிறது. இனி அனைத்து புதிய R&D முன்மொழிவுகளும் CRCM மூலம் பரிசீலிக்கப்படும். இது அரசுப் பணத்தை மிச்சப்படுத்தவும், தேசிய இலக்குகளுக்கு ஏற்ப தொழில்நுட்ப மாற்றங்களை வேகப்படுத்தவும் உதவும் என அரசு கருதுகிறது.
நிறுவனங்களின் சுதந்திரம் குறையுமா?
இந்தத் திட்டம் சில விவாதங்களை கிளப்பியுள்ளது. அனைத்து திட்டங்களும் மத்திய அரசின் ஒப்புதலுக்குப் பிறகுதான் செயல்படுத்தப்படும் என்பதால், அந்தந்த நிறுவனங்களின் ஆராய்ச்சிப் பிரிவுகள் சுயமாகச் செயல்படும் வேகம் மற்றும் நெகிழ்வுத்தன்மை (Operational Flexibility) பாதிக்கப்படலாம் என்ற அச்சம் நிபுணர்களிடம் உள்ளது.
புதிய பணிப் பகிர்வு:
- அரசு நிறுவனங்கள்: எரிபொருள் தரம் மற்றும் ஆற்றல் செயல்திறன் சார்ந்த நடைமுறை சார்ந்த ஆராய்ச்சிகளில் கவனம் செலுத்த வேண்டும்.
- தனியார் துறை: செயல்முறை தொழில்நுட்பங்கள் மற்றும் வினையூக்கிகள் (Catalysts) ஆகியவற்றில் கவனம் செலுத்த ஊக்குவிக்கப்படும்.
- தேசிய மையங்கள்: செயற்கை நுண்ணறிவு (AI), கார்பன் பிடிப்பு (Carbon Capture) மற்றும் அழுத்தப்பட்ட உயிரியல் எரிவாயு (Compressed Biogas) போன்ற மேம்பட்ட திட்டங்களை கையாளும்.
முதலீட்டாளர்களைப் பொறுத்தவரை, அரசு எரிசக்தி நிறுவனங்களின் தொழில்நுட்பச் செலவுகள் மற்றும் எதிர்கால வளர்ச்சித் திட்டங்களை இனி இந்த புதிய Governance கட்டமைப்பின் மூலமே பார்க்க வேண்டியிருக்கும்.