Larsen & Toubro நிறுவனம் ஜார்கண்டில் உள்ள 1,600 MW திறன் கொண்ட புதிய அனல் மின் நிலைய திட்டத்திற்கான பணியை (LNTP) பெற்றுள்ளது. இதன் மதிப்பு ₹5,000 கோடி முதல் ₹10,000 கோடி வரை இருக்கும் என கணிக்கப்பட்டுள்ளது.
ஜார்ஹண்ட் மாநிலம் சந்திரபுராவில் அமையவுள்ள பிரம்மாண்டமான அனல் மின் நிலைய திட்டத்தை செயல்படுத்த Larsen & Toubro (L&T) நிறுவனம் ஒப்பந்தம் பெற்றுள்ளது. L&T-ன் துணை நிறுவனமான 'L&T Energy CarbonLite Solutions', இந்த திட்டத்திற்கான முதல் கட்ட அனுமதியான Limited Notice to Proceed (LNTP)-ஐ பெற்றுள்ளது. Coal India மற்றும் Damodar Valley Corporation ஆகியவற்றின் கூட்டு முயற்சியான DVC CIL Power Private Ltd இந்த திட்டத்தை நிர்வகிக்கிறது.
திட்டத்தின் சிறப்பம்சங்கள்
இந்த பிளான்ட் ஒவ்வொன்றும் 800 MW திறன் கொண்ட இரண்டு யூனிட்களை உள்ளடக்கியது. மொத்தம் 1,600 MW மின்சாரத்தை உற்பத்தி செய்யும் இந்த ஆலையில், அதிநவீன 'அல்ட்ரா-சூப்பர் கிரிட்டிகல்' (Ultra-supercritical) தொழில்நுட்பம் பயன்படுத்தப்பட உள்ளது. இது எரிபொருள் பயன்பாட்டை குறைப்பதோடு, சுற்றுச்சூழல் பாதிப்பையும் கட்டுப்படுத்தும்.
முதலீட்டாளர்கள் கவனிக்க வேண்டியவை
இந்த ஆர்டரின் மதிப்பு சுமார் ₹5,000 கோடி முதல் ₹10,000 கோடி வரை இருக்கும் என்று மதிப்பிடப்பட்டுள்ளது. இது நிறுவனத்தின் ஆண்டு வருவாயில் சுமார் 1.7% முதல் 3.5% வரை பங்களிக்கும். இருப்பினும், இது தற்போது LNTP நிலையில் மட்டுமே உள்ளதால், சுற்றுச்சூழல் அனுமதி (Environmental Clearances) முழுமையாக கிடைப்பது அவசியம். இந்த அனுமதி கிடைப்பதில் ஏற்படும் காலதாமதம் திட்டத்தை பாதிக்கலாம் என்பதால், பங்குதாரர்கள் இதைக் கூர்ந்து கவனிக்க வேண்டும்.
சந்தை நிலவரப்படி, அக்டோபர் 7 அன்று L&T பங்குகள் சுமார் 0.6% முதல் 0.75% வரை சரிவைச் சந்தித்தன. நீண்ட கால அடிப்படையில் இது ஆர்டர் புக்-க்கு வலு சேர்த்தாலும், மூலப்பொருட்களான ஸ்டீல் மற்றும் தாமிரத்தின் விலை உயர்வு லாப வரம்பை (Margins) பாதிக்க வாய்ப்புள்ளது.