இந்தியாவில் ஆண்டுக்கு **62 MMT** பயோகேஸ் உற்பத்தி செய்ய மிகப்பெரிய வாய்ப்பு உள்ளது. இதைச் செயல்படுத்த மத்திய அரசு **₹23,731 கோடி** மதிப்பிலான GOBARdhan திட்டத்திற்கு ஒப்புதல் அளித்துள்ளது. கேஸ் நிறுவனங்களுக்கு கட்டாய பிளெண்டிங் விதிகள் கொண்டுவரப்பட்டுள்ளதால், இந்த துறையில் முதலீட்டாளர்கள் கவனிக்க வேண்டிய விஷயங்கள் என்ன?
இந்தியாவின் இயற்கை எரிவாயு இறக்குமதியைக் குறைக்க, Compressed Biogas (CBG) துறைக்கு மத்திய அரசு முக்கியத்துவம் அளித்துள்ளது. தற்போது இந்தத் துறையின் பயன்பாடு 1%-க்கும் குறைவாகவே உள்ளது. இந்த இடைவெளியை நிரப்ப, ஆகஸ்ட் 2026-ல் ₹23,731 கோடி ஒதுக்கீட்டில் GOBARdhan National Circular Bioenergy Scheme-க்கு மத்திய அமைச்சரவை பச்சைக்கொடி காட்டியுள்ளது.
புதிய பாலிசி மற்றும் கட்டாய விதிகள்
இந்தத் துறையில் முதலீடுகளை ஈர்க்க, சிட்டி கேஸ் விநியோக நிறுவனங்களுக்கு CBG பிளெண்டிங் கட்டாயமாக்கப்பட்டுள்ளது. நடப்பு நிதியாண்டில் (2026-27) 3% ஆக நிர்ணயிக்கப்பட்டுள்ள இந்த பிளெண்டிங் விகிதம், 2027-28-ல் 4% ஆகவும், அதன் பிறகு 5% ஆகவும் அதிகரிக்கப்படும். இதனால், தயாரிக்கும் எரிவாயுவிற்கு சந்தையில் நிலையான டிமாண்ட் உருவாகும்.
கச்சா பொருள் மற்றும் சவால்கள்
மொத்தம் 472 MMT கச்சா பொருட்கள் (Feedstock) கிடைக்க வாய்ப்புள்ளது. இதில் 41% கால்நடை கழிவுகள் மூலம் கிடைக்கிறது. மேலும், விவசாய கழிவுகள் மற்றும் சர்க்கரை ஆலைகளின் பிரஸ் மட் (Press Mud) போன்றவை முக்கிய மூலப்பொருட்களாக உள்ளன. பிரஸ் மட் எளிதாகக் கிடைப்பதால் இது லாபகரமானதாக பார்க்கப்படுகிறது.
இருப்பினும், முதலீட்டாளர்கள் கவனிக்க வேண்டிய சில முக்கிய சவால்கள் உள்ளன:
- லாஜிஸ்டிக்ஸ்: கழிவுகளை கிராமப்புறங்களிலிருந்து திரட்டுவதில் அதிக போக்குவரத்து செலவுகள் ஏற்படும்.
- சப்ளை சிக்கல்: விவசாயக் கழிவுகள் ஆண்டுக்கு 45 நாட்கள் மட்டுமே கிடைக்கும், இதனால் சீரான விநியோகம் ஒரு சவாலாகும்.
- உள்கட்டமைப்பு: கேஸ் கொண்டு செல்ல போதிய பைப்லைன் வசதிகள் இல்லாதது, இந்த துறையின் வளர்ச்சியை தற்காலிகமாக கட்டுப்படுத்தலாம்.