பெட்ரோலிய அமைச்சகம் அதிரடி அறிவிப்பு! இனி CNG மற்றும் பயோகாஸை மொபைல் யூனிட்கள் மூலம் நேரடியாக சுரங்கங்கள் மற்றும் துறைமுகங்களுக்கு விநியோகிக்க அனுமதி அளிக்கப்பட்டுள்ளது.
பெட்ரோலியம் மற்றும் இயற்கை எரிவாயு அமைச்சகம் கொண்டு வந்துள்ள புதிய விதிமுறைகள், எரிவாயு விநியோகத் துறையில் பெரும் மாற்றத்தை ஏற்படுத்தியுள்ளது. இனி CNG மற்றும் கம்ப்ரஸ்டு பயோகாஸ் (Compressed Biogas) ஆகியவற்றை மொபைல் யூனிட்கள் மூலம் சுரங்கங்கள், துறைமுகங்கள், ரயில் நிலையங்கள் மற்றும் உள்நாட்டு நீர்வழித் தடங்களுக்கு நேரடியாகக் கொண்டு செல்லலாம்.
முதலீட்டாளர்கள் கவனிக்க வேண்டியவை:
முன்பெல்லாம் ஒரு சிட்டி கேஸ் டிஸ்ட்ரிபியூஷன் (CGD) நிறுவனம் புதிய வாடிக்கையாளர்களைப் பிடிக்க வேண்டுமானால், அந்த இடத்தில் நிரந்தரமான கேஸ் ஸ்டேஷன்களை அமைக்க வேண்டியிருந்தது. இதற்கு அதிக முதலீடு தேவைப்பட்டது. ஆனால், இப்போது மொபைல் யூனிட்கள் மூலம் அந்தச் செலவு இல்லாமல், நேரடியாக பெரிய தொழிற்சாலைகளுக்கு எரிவாயுவை விநியோகித்து வாடிக்கையாளர்களைப் பிடிக்க முடியும்.
பாதுகாப்பு விதிகள் என்ன?
அரசு இந்த வசதிக்கு அனுமதி அளித்தாலும், சில கட்டுப்பாடுகளை விதித்துள்ளது:
- இந்த மொபைல் யூனிட்களை பொதுமக்களின் வாகனங்களுக்குப் பயன்படுத்த (Public Retail) கூடாது.
- அந்தந்த பகுதிகளுக்கு உரிமம் பெற்ற அங்கீகரிக்கப்பட்ட விநியோகஸ்தர்கள் மட்டுமே இதை இயக்க முடியும்.
- உயர்தர பாதுகாப்பு உபகரணங்கள் மற்றும் 250 bar அழுத்தத்திலான சேமிப்பு வசதிகள் கட்டாயம் இருக்க வேண்டும்.
டிசல் பயன்பாட்டைக் குறைத்து, தூய்மையான எரிவாயுவை நோக்கி தொழிற்சாலைகளை ஈர்க்கும் இந்த முயற்சி, எதிர்காலத்தில் எரிவாயு விநியோக நிறுவனங்களின் விற்பனை அளவை (Sales Volume) கணிசமாக உயர்த்த உதவும் என்று எதிர்பார்க்கப்படுகிறது.