HEG Advanced Materials நிறுவனத்தின் சப்-சிடியரி ஆன Replus Engitech, Indus Towers நிறுவனத்திடம் இருந்து **₹218 கோடி** மதிப்பிலான லித்தியம்-அயன் பேட்டரி ஆர்டரை வென்றுள்ளது. மேலும், நிறுவனம் தனது கிராஃபைட் பிசினஸை பிரிக்கவும் (Demerger) திட்டமிட்டுள்ளது.
கடந்த மூன்று வர்த்தக நாட்களில் HEG Advanced Materials பங்குகளின் விலை ₹215-லிருந்து ₹248 வரை உயர்ந்துள்ளது. இந்த அதிரடி ஏற்றத்திற்கு முக்கிய காரணம் புதிய பிசினஸ் ஆர்டர் மற்றும் நிறுவனத்தின் மறுசீரமைப்பு திட்டங்கள் ஆகும்.
₹218 கோடி மெகா ஆர்டர்
நிறுவனத்தின் துணை நிறுவனமான Replus Engitech, Indus Towers-க்கு லித்தியம்-அயன் பேட்டரி பேங்க்-களை சப்ளை செய்ய ஒப்பந்தம் பெற்றுள்ளது. இந்த திட்டம் மார்ச் 31, 2027-க்குள் முடிக்கப்பட வேண்டும். இது நிறுவனத்தின் எதிர்கால பேட்டரி எனர்ஜி பிசினஸிற்கு ஒரு வலுவான வருவாய் வாய்ப்பை ஏற்படுத்தியுள்ளது.
பிசினஸ் பிரிவினை (Demerger)
முதலீட்டாளர்கள் மற்றொரு முக்கிய நிகழ்வான பிசினஸ் பிரிவினையை உன்னிப்பாக கவனித்து வருகின்றனர். நிறுவனத்தின் கிராஃபைட் எலக்ட்ரோடு பிசினஸ், 'HEG Graphite' என்ற புதிய நிறுவனமாக பிரிக்கப்படுகிறது. இந்த நிறுவனம் அக்டோபர் இறுதிக்குள் தனித்தனியாக பங்குச் சந்தையில் பட்டியலிடப்படும் என்று எதிர்பார்க்கப்படுகிறது.
நிர்வாக மாற்றம்
இந்த பிரிவினையைத் தொடர்ந்து நிர்வாகத்திலும் மாற்றங்கள் செய்யப்பட்டுள்ளன. ரவி ஜுன்ஜுன்வாலா கிராஃபைட் நிறுவனத்தின் தலைவராகவும், எம்.டி மற்றும் சி.இ.ஓ-வாகவும் செயல்படுவார். அதேபோல், ரிஜு ஜுன்ஜுன்வாலா அடுத்த 5 ஆண்டுகளுக்கு HEG Advanced Materials நிறுவனத்தை வழிநடத்துவார்.
செப்டம்பர் 7-ஆம் தேதியன்று பங்குகளை வைத்திருந்த பங்குதாரர்களுக்கு, ஒவ்வொரு பங்கிற்கும் ஒரு புதிய கிராஃபைட் நிறுவனத்தின் பங்கு வழங்கப்படும் என்பது குறிப்பிடத்தக்கது.