அக்டோபர் 1, 2026 முதல் LPG மானியம் பெற பயோமெட்ரிக் ஆதார் சரிபார்ப்பு கட்டாயமாக்கப்பட்டுள்ளது. இந்த செயல்முறையை முடிக்காத பயனர்கள் முழு சந்தை விலையையும் செலுத்த வேண்டியிருக்கும்.
மானியம் பெற என்ன செய்ய வேண்டும்?
அக்டோபர் 1, 2026 முதல், வீட்டு உபயோக சிலிண்டர்களுக்கு மானியம் தொடர்ந்து கிடைக்க, பயோமெட்ரிக் ஆதார் சரிபார்ப்பு (Biometric Aadhaar Authentication) கட்டாயமாகும். இதுவரை சுமார் 27.43 கோடி வாடிக்கையாளர்கள் இதை முடித்துள்ளனர். இவர்களுக்கு எவ்வித மாற்றமும் இல்லை. ஆனால், காலக்கெடுவுக்குள் சரிபார்ப்பை முடிக்காதவர்கள் மானியத்தை இழக்க நேரிடும். இவர்கள் சிலிண்டர்களை சாதாரண மார்க்கெட் விலையில் மட்டுமே வாங்க முடியும்.
அரசாங்கத்தின் கணக்கு என்ன?
இந்தத் திட்டம் மானிய கசிவைத் தடுக்கவும், உண்மையான பயனர்களுக்கு அரசு உதவி சென்றடைவதை உறுதி செய்யவும் கொண்டுவரப்பட்டுள்ளது. ஆகஸ்ட் 31, 2026 நிலவரப்படி, உள்நாட்டு LPG சிலிண்டர் விற்பனையில் ஏற்பட்ட நஷ்டம் (Under-recoveries) ₹62,000 கோடிக்கும் அதிகமாக உள்ளது. நிதிச்சுமையை குறைக்க, FY26 மற்றும் FY27 ஆண்டுகளுக்கு தலா ₹30,000 கோடி ஒதுக்கப்பட்டுள்ளது.
ஆயில் நிறுவனங்களுக்கு என்ன லாபம்?
Indian Oil, Bharat Petroleum மற்றும் Hindustan Petroleum போன்ற நிறுவனங்களுக்கு இந்த நடைமுறை, மானியம் ரீஇம்பார்ஸ்மென்ட் (Subsidy Reimbursement) செய்வதை எளிதாக்கும். இது நிறுவனங்களின் வொர்க்கிங் கேபிடல் நிர்வாகத்திற்கு பெரும் உதவியாக இருக்கும்.
சரிபார்ப்பு செய்வது எப்படி?
வாடிக்கையாளர்கள் சிலிண்டர் டெலிவரி செய்யப்படும்போதே டெலிவரி ஏஜென்ட் மூலம் கைரேகை பதிவு செய்யலாம். அல்லது தங்களின் அருகிலுள்ள விநியோகஸ்தர் அலுவலகத்திற்கு நேரில் சென்றும் முடிக்கலாம். தவிர, IndianOil ONE, HelloBPCL மற்றும் HP PAY மொபைல் ஆப் மூலமும் டிஜிட்டலாக சரிபார்க்கலாம்.
செப்டம்பர் மாதத்தில் ஒரு சிலிண்டருக்கான மறைமுக மானியம் ₹210 ஆக குறைந்துள்ளது (முன்பு ஜூன் மாதம் ₹721 ஆக இருந்தது). இந்த மானிய மாற்றங்கள் எதிர்காலத்தில் அரசு ஆயில் நிறுவனங்களின் லாபத்தை எப்படி பாதிக்கும் என்பதை முதலீட்டாளர்கள் உன்னிப்பாக கவனிக்க வேண்டும்.