RBI உத்தரவால் Tata Sons நிறுவனத்திற்குப் பொதுப் பங்கு வெளியீடு (IPO) கட்டாயமாக்கப்பட்டுள்ளது. இந்த நெருக்கடியைத் தவிர்க்க Tata Trusts மேற்கொள்ளும் புதிய ரீஸ்ட்ரக்சரிங் திட்டமும், அதற்குள் வெடித்துள்ள உள்நாட்டுப் பூசல்களும் பெரும் பரபரப்பை ஏற்படுத்தியுள்ளது.
ரிசர்வ் வங்கி (RBI) பிறப்பித்துள்ள அதிரடி உத்தரவால் டாடா குழுமத்தின் தாய் நிறுவனமான Tata Sons பெரும் நெருக்கடியில் உள்ளது. இந்த நிறுவனத்தை 'Upper Layer' என்பிஎஃப்சி (NBFC-UL) என வகைப்படுத்தியுள்ள RBI, கட்டாயமாக பங்குச்சந்தையில் பட்டியலிடப்பட வேண்டும் என்று உத்தரவிட்டுள்ளது. செப்டம்பர் 11, 2026 அன்று, தனது கோர் இன்வெஸ்ட்மென்ட் கம்பெனி (CIC) அந்தஸ்தைத் திரும்பப் பெற டாடா நிறுவனம் விடுத்த கோரிக்கையை RBI நிராகரித்ததே இந்தச் சிக்கலுக்குத் தொடக்கப்புள்ளியாக அமைந்தது.
ரீஸ்ட்ரக்சரிங் திட்டம் என்ன?
டாடா சன்ஸ் நிறுவனத்தில் 66% பங்குகளை வைத்திருக்கும் Tata Trusts, இந்தச் சிக்கலில் இருந்து தப்பிக்கப் புதிய வியூகத்தை வகுத்துள்ளது. இதன்படி, தற்போது பட்டியலிடப்படாத Tata Electronics Systems மற்றும் Tata Consulting Engineers ஆகிய நிறுவனங்களை டாடா சன்ஸ் உடன் இணைக்கத் திட்டமிட்டுள்ளது. இந்த இணைப்பு மூலம் நிறுவனத்தின் சொத்து அமைப்பை மாற்றி, NBFC-UL விதிமுறைகளில் இருந்து விலக்கு பெற முடியும் என நம்புகிறது.
போர்டு ரூம் மோதல்
இந்தத் திட்டம் டாடா குழுமத்திற்குள் பெரும் பிளவை ஏற்படுத்தியுள்ளது. ஏற்கனவே டாடா சன்ஸ் போர்டு உறுப்பினர்கள் பலர் IPO-விற்கு ஆதரவாக இருந்த நிலையில், நோயல் டாடா தலைமையிலான Tata Trusts நிறுவனம், எந்தக் காரணத்தைக் கொண்டும் பட்டியலிடக் கூடாது என்பதில் உறுதியாக உள்ளது. இந்த முரண்பாடான கருத்துக்களால், நிறுவனத்தின் எதிர்கால நடவடிக்கைகள் குறித்து சந்தையில் பெரும் சந்தேகம் எழுந்துள்ளது.
முதலீட்டாளர்கள் கவனத்திற்கு
ஒருவேளை டாடா சன்ஸ் பங்குச்சந்தைக்கு வந்தால், Air India போன்ற சப்சிடியரி நிறுவனங்களின் நிதி நிலைமை உட்பட அனைத்தும் வெளிப்படையாகத் தெரியவரும். இது குழுமத்தின் ரகசியத் தன்மையைப் பாதிக்கும் என்பதால் இந்த இழுபறி நீடிக்கிறது. தற்போது, சட்ட ஆலோசகர்களின் ஆலோசனையைப் பெற்று வரும் டாடா போர்டு, இந்த இணைப்புத் திட்டம் சட்டப்படி செல்லுபடியாகுமா என்பதை ஆராய்ந்து வருகிறது. இந்த விவகாரத்தில் RBI எடுக்கும் அடுத்தகட்ட நடவடிக்கைகள் என்ன என்பதுதான் தற்போதைய ஹாட் டாபிக்.