நவம்பர் 1 முதல் மியூச்சுவல் ஃபண்ட் தளங்களில் மாற்றங்கள் வரவுள்ளன. டிஜிட்டல் மோசடிகளில் வங்கிகளின் பொறுப்பு குறித்தும், Adani-IHCL ஹோட்டல் கூட்டணி குறித்தும் விரிவான தகவல்கள் இங்கே.
மியூச்சுவல் ஃபண்ட் புதிய விதிமுறை
நவம்பர் 1 முதல் மியூச்சுவல் ஃபண்ட் நிறுவனங்கள் தங்கள் இணையதளங்களில் Direct Plan முறையை முதன்மையாகக் காட்ட வேண்டும் என SEBI உத்தரவிட்டுள்ளது. இதன் மூலம் டிஸ்ட்ரிபியூட்டர் கமிஷன் தவிர்க்கப்பட்டு, முதலீட்டாளர்களுக்கு செலவு குறையும். மேலும், ரெகுலர் மற்றும் டைரக்ட் பிளான்களுக்கு இடையிலான செலவு வித்தியாசத்தை வெளிப்படையாகக் காட்ட வேண்டும் என்பது கட்டாயமாக்கப்பட்டுள்ளது.
டிஜிட்டல் மோசடி: உச்ச நீதிமன்றம் அதிரடி
டிஜிட்டல் பணப் பரிவர்த்தனை மோசடிகளில் வங்கிகளின் அலட்சியம் இருந்தால், அந்த இழப்பை வங்கிகளே ஏற்க வேண்டும் என உச்ச நீதிமன்றம் தீர்ப்பளித்துள்ளது. RBI தனது புதிய டிஜிட்டல் மோசடி கட்டமைப்பில் கடுமையான விதிகளைச் சேர்க்க வேண்டும் என்றும் நீதிமன்றம் அறிவுறுத்தியுள்ளது. இது வங்கிகளின் பாதுகாப்பு மற்றும் தொழில்நுட்ப முதலீடுகளை அதிகரிக்கச் செய்யும் என எதிர்பார்க்கப்படுகிறது.
Adani - IHCL மெகா கூட்டணி
Adani Group தனது விமான நிலைய வளாகங்களில் ஹோட்டல்களைக் கட்ட IHCL நிறுவனத்துடன் கைகோர்த்துள்ளது. மும்பை, அகமதாபாத், லக்னோ மற்றும் கவுகாத்தி என 8 இடங்களில் சுமார் 2,000 அறைகளைக் கொண்ட ஹோட்டல்களை அடுத்த 4 ஆண்டுகளில் உருவாக்கத் திட்டமிடப்பட்டுள்ளது.
மருந்துகள் விலை கட்டுப்பாடு
புற்றுநோய் மருந்துகளின் விலையைக் குறைக்க NPPA மேற்கொண்ட முயற்சி போதிய பலன் அளிக்கவில்லை. 100-க்கும் மேற்பட்ட மருந்துகளின் விலை நிர்ணயிக்கப்பட்ட உச்ச வரம்பை விட குறைவாகவே இருந்ததால், விலை கட்டுப்பாட்டு விதிகளால் பெரிய மாற்றம் ஏற்படவில்லை என்பது குறிப்பிடத்தக்கது.