தேர்வு வினாத்தாள் கசிவை (Exam Paper Leak) தடுக்க Nandan Nilekani தலைமையிலான குழு புதிய திட்டத்தை முன்வைத்துள்ளது. இனிமேல் பேப்பர்-பேனா முறைக்கு பதில், AI மூலம் உடனுக்குடன் வினாத்தாள் தயாரிக்கும் முறை மற்றும் Computer-Based Testing முறையை கொண்டு வர அரசு ஆலோசித்து வருகிறது.
தேர்வு முறைகளில் நிலவும் குளறுபடிகளைத் தவிர்க்கவும், வினாத்தாள் கசிவை நிரந்தரமாக ஒழிக்கவும் Nandan Nilekani தலைமையிலான உயர்மட்டக் குழு ஒரு மாஸ்டர் பிளானைத் தயார் செய்துள்ளது. இப்போதைய பாரம்பரியமான, அச்சிடப்பட்ட வினாத்தாள் முறைக்கு பதில், Artificial Intelligence மூலம் தேர்வு நடக்கும் சில நிமிடங்களுக்கு முன்னதாகவே தனித்துவமான கேள்விகளை உருவாக்கும் புதிய தொழில்நுட்பத்தை இது உள்ளடக்கியுள்ளது.
கசிவுக்கான வாய்ப்பே இல்லை!
தற்போது, தேர்வு நடப்பதற்கு முன்பே வினாத்தாள்களைத் திருடி விற்கும் கும்பலால் பெரும் பாதிப்பு ஏற்படுகிறது. ஆனால், மாணவர்களுக்குத் தேர்வு தொடங்குவதற்கு சில நொடிகள் முன்பாகவே, AI மூலம் ஒவ்வொருவருக்கும் மாறுபட்ட கேள்விகள் உருவாக்கப்படும்போது, திருட வாய்ப்பே இருக்காது. இதன் மூலம் இந்த முறைகேடுகளின் லாப நோக்கமே முற்றிலுமாக சிதைக்கப்படும்.
உள்கட்டமைப்பு சவால்
இந்த மாற்றத்திற்கு நாடு முழுவதும் பிரம்மாண்டமான டிஜிட்டல் உள்கட்டமைப்பு தேவைப்படுகிறது. தற்போது இந்தியாவில் சுமார் 1,50,000 தேர்வு மையங்கள் உள்ளன. இந்தத் திட்டத்தைச் செயல்படுத்த இந்த எண்ணிக்கையை மேலும் அதிகரிக்க வேண்டிய கட்டாயம் உள்ளது. இதற்காக ஜூலை 2026 முதல் சுமார் 60 ஆலோசனைக் கூட்டங்களை இந்தக்குழு நடத்தியுள்ளது.
முதலீட்டாளர்கள் கவனத்திற்கு
இந்தத் திட்டம் நடைமுறைக்கு வந்தால், எஜுகேஷன் டெக்னாலஜி, சைபர் செக்யூரிட்டி மற்றும் டிஜிட்டல் உள்கட்டமைப்பு நிறுவனங்களுக்கு மிகப்பெரிய டிமாண்ட் உருவாகும். அதேசமயம், கிராமப்புற மாணவர்களுக்குத் தரமான இணைய வசதி கிடைக்குமா என்ற சவாலும் எழுந்துள்ளது. சைபர் தாக்குதல்கள் குறித்த அச்சமும் இருப்பதால், இதைச் செயல்படுத்தும் போது பாதுகாப்பு அம்சங்களுக்கு அரசு அதிக முக்கியத்துவம் அளிக்கும் என்று எதிர்பார்க்கப்படுகிறது. இந்தத் திட்டத்தின் இறுதி அறிக்கையும், அதைத் தொடர்ந்து வரும் டெண்டர்களும் சந்தையில் எந்த மாதிரியான மாற்றங்களை ஏற்படுத்தும் என்பதை முதலீட்டாளர்கள் கூர்ந்து கவனித்து வருகின்றனர்.