Nagpur Income Tax Appellate Tribunal (ITAT) அதிரடி தீர்ப்பு ஒன்றை வழங்கியுள்ளது. இனி, Short-Term Capital Gains (STCG) வருமானத்திற்கு Section 87A வரி சலுகையை முதலீட்டாளர்கள் பெற்றுக்கொள்ளலாம் எனத் தெரிவித்துள்ளது.
வருமான வரி செலுத்தும் பல ரீடெயில் முதலீட்டாளர்களுக்கு ஒரு முக்கியமான செய்தியை Nagpur ITAT வழங்கியுள்ளது. பல காலமாக, பங்குச்சந்தை முதலீட்டாளர்கள் தங்கள் Short-Term Capital Gains (STCG) மீது Section 87A வரி சலுகையைப் பெற முடியாமல் தவித்து வந்தனர். Centralised Processing Centre (CPC) இந்த சலுகையை தானியங்கி முறையில் நிராகரித்து வந்ததால், பலருக்கு வரி நோட்டீஸ் அனுப்பப்பட்டது. இப்போது அதற்கு முற்றுப்புள்ளி வைக்கப்பட்டுள்ளது.
சர்ச்சையின் பின்னணி என்ன?
பொதுவாக, புதிய வரி முறையில் (New Tax Regime) குறிப்பிட்ட வருமான வரம்பிற்குள் இருப்பவர்களுக்கு வரிச் சுமை கிடையாது. ஆனால், பங்குச்சந்தை மூலம் கிடைக்கும் STCG வருமானத்திற்கு 15% வரி விதிக்கப்படுகிறது. சிபிசி (CPC) சிஸ்டம் இந்த வருமானத்தை 'ஸ்பெஷல் ரேட்' என வகைப்படுத்தி, அதற்கு 87A Rebate வழங்க மறுத்தது. இது முதலீட்டாளர்களுக்கு தேவையற்ற வரி அழுத்தத்தை ஏற்படுத்தியது.
நீதிமன்றத்தின் தீர்ப்பு
Nagpur ITAT தனது ஆய்வில், அந்த குறிப்பிட்ட காலக்கட்டத்தில் இருந்த சட்ட விதிகளின்படி, Section 111A-ன் கீழ் வரும் STCG வருமானத்திற்கு எதிராக 87A Rebate-ஐ பயன்படுத்த தடை விதிக்கப்படவில்லை என்பதைக் கண்டறிந்தது. Section 112A போன்ற பிற வகை கேபிடல் கெய்ன்களுக்கு இருந்த கட்டுப்பாடுகள், அந்த நேரத்தில் STCG-க்கு இல்லை என்பதே இந்த சாதகமான தீர்ப்பிற்கு முக்கிய காரணமாகும்.
முதலீட்டாளர்கள் கவனத்திற்கு
இந்த தீர்ப்பு 2025-26 அசெஸ்மென்ட் ஆண்டிற்கு (AY) பெரும் ஆதரவாக இருக்கும். நீங்கள் ஏற்கனவே வரி நோட்டீஸ் பெற்றிருந்தால், முறையான மேல்முறையீட்டு செயல்முறை (Appeals process) மூலம் இந்தத் தீர்ப்பை ஆதாரமாகக் காட்டி உங்கள் வழக்கை வலுப்படுத்தலாம்.
இருப்பினும், வருமான வரித்துறையின் தானியங்கி சிஸ்டம் உடனடியாக இதை மாற்றிவிடாது என்பதை கவனத்தில் கொள்க. வரி சட்டங்கள் ஒவ்வொரு ஆண்டும் மாறுபடும் என்பதால், உங்கள் தனிப்பட்ட வரி விவகாரங்களுக்கு ஒரு ஆடிட்டரின் ஆலோசனையைப் பெறுவது எப்போதும் நல்லது.