லித்தியம், கோபால்ட் மற்றும் நிக்கல் போன்ற அத்தியாவசிய கனிமங்களை பாதுகாப்பாக கையிருப்பு வைக்க, மத்திய அரசு புதிய திட்டத்தை இன்னும் **30** நாட்களில் அறிமுகப்படுத்த உள்ளது. இதன் மூலம் மின்சாரம், பாதுகாப்பு மற்றும் எலக்ட்ரானிக்ஸ் துறைகளில் இறக்குமதி சார்ந்த பாதிப்புகள் குறையும்.
தேசிய கனிமத் திட்டத்தின் (National Critical Mineral Mission) கீழ், இந்தியாவின் மிக முக்கியமான கனிமங்களை ஒரு 'ஸ்ட்ரேடஜிக் பஃபர்' (Strategic Buffer) ஆக சேமித்து வைக்க மத்திய அரசு திட்டமிட்டுள்ளது. பெட்ரோல் மற்றும் எரிசக்தி தேவைகளுக்காக ஏற்கனவே இந்தியா கையிருப்பு வைத்துள்ளதைப் போல, இப்போது லித்தியம், கோபால்ட், நிக்கல் போன்ற அரிய வகை கனிமங்களையும் கையிருப்பு வைக்கப்போகிறார்கள்.
கனிம பதப்படுத்துதல் பூங்காக்கள் (Processing Hubs)
இந்தத் திட்டத்தின் ஒரு பகுதியாக, ஆந்திரப் பிரதேசம், ஒடிசா, குஜராத் மற்றும் மகாராஷ்டிரா ஆகிய மாநிலங்களில் 4 பிரத்யேக கனிம பதப்படுத்துதல் பூங்காக்கள் உருவாக்கப்பட உள்ளன. இதன் மூலம் வெளிநாடுகளில் இருந்து பதப்படுத்தப்பட்ட கனிமங்களை வாங்குவதைக் குறைத்து, உள்நாட்டிலேயே பேட்டரி உற்பத்தி மற்றும் விண்ட் எனர்ஜி கட்டமைப்புகளை வலுப்படுத்த அரசு திட்டமிட்டுள்ளது.
முதலீட்டாளர்கள் கவனத்திற்கு
இந்த கொள்கை நீண்ட கால அடிப்படையில் தொழில்துறைக்கு ஒரு பலமான அஸ்திவாரத்தை அமைத்து தரும். இருப்பினும், நிலம் கையகப்படுத்துதல், உள்கட்டமைப்பு பணிகளில் ஏற்படும் காலதாமதம் மற்றும் சர்வதேச சந்தையில் நிலவும் விலை ஏற்ற இறக்கம் ஆகியவை சவால்களாக இருக்கும். வரும் நாட்களில் அரசு வெளியிடும் கொள்கை வழிகாட்டுதல்கள் (Policy Guidelines) மற்றும் முதலீட்டு விவரங்கள் இந்த துறையில் இருக்கும் நிறுவனங்களின் எதிர்காலத்தை தீர்மானிக்கும்.