இந்திய செமிகண்டக்டர் துறையை ஊக்குவிக்க அரசு புதிய பாதையைத் தேர்ந்தெடுத்துள்ளது. Semicon 2.0 திட்டத்தின் கீழ் நேரடி மானியங்களுக்குப் பதிலாக, இனி 'கோ-இன்வெஸ்ட்மென்ட்' (Co-investment) முறையை அமல்படுத்த மத்திய அரசு திட்டமிட்டுள்ளது.
இந்தியாவில் செமிகண்டக்டர் தயாரிப்பை அதிகரிக்க மத்திய அரசு தனது வியூகத்தை மாற்றியுள்ளது. முதல் கட்டமாக வழங்கப்பட்ட நேரடி மானியங்களுக்குப் பதிலாக, இனி வரும் Semicon 2.0 திட்டத்தில் 'ஈக்விட்டி பார்ட்னர்ஷிப்' (Equity Participation) முறைக்கு முன்னுரிமை அளிக்கப்பட உள்ளது. அரசு வெறும் நிதியை வழங்குவதோடு நிறுத்தாமல், நிறுவனங்களில் பங்குதாரராக இருந்து ரிஸ்கைப் பகிர்ந்து கொள்ளப் போகிறது.
நிதி நெருக்கடியும் மாற்றமும்
தற்போது வரை அரசு பல்வேறு திட்டங்களின் கீழ் ₹2 லட்சம் கோடி ஒதுக்கியுள்ளது, தனியார் துறையிலிருந்து சுமார் ₹2.5 லட்சம் கோடி முதலீடு வரும் என எதிர்பார்க்கப்படுகிறது. அமெரிக்கா மற்றும் ஜப்பான் போன்ற நாடுகளுடன் ஒப்பிடும்போது, நாம் இன்னும் அதிக 'கேபிடல் மல்டிப்ளையர்' (Capital Multiplier) நிலையை அடைய வேண்டும். வெறும் மானியத்திற்காக வரும் நிறுவனங்களை விட, நீண்டகால வளர்ச்சிக்கு உறுதியளிக்கும் நிறுவனங்களை ஈர்ப்பதே இந்த மாற்றத்தின் முக்கிய நோக்கம்.
முதலீட்டாளர்கள் கவனத்திற்கு
செமிகண்டக்டர் துறை என்பது அதிக ரிஸ்க் மற்றும் அதிக லாபம் கொண்ட ஒரு நீண்டகால முதலீட்டு களம். தொழிற்சாலைகளை அமைப்பதற்கும், லாபத்தை ஈட்டுவதற்கும் பல ஆண்டுகள் ஆகலாம். எனவே, அரசு மற்றும் தனியார் நிறுவனங்களுக்கு இடையிலான இந்த புதிய பங்களிப்பு முறை, திட்டங்களைச் செயல்படுத்துவதில் ஏற்படும் தாமதங்களை எவ்வளவு தூரம் குறைக்கும் என்பதைக் கண்காணிப்பது அவசியம்.
இந்த புதிய மாடலில், தொழில்நுட்பக் கூட்டணிகள் மற்றும் உற்பத்தி தொடங்கும் காலக்கெடு ஆகியவையே சந்தையின் அடுத்த கட்ட வளர்ச்சியைத் தீர்மானிக்கும்.