இந்தியாவின் நிதிப்பற்றாக்குறை (Fiscal Deficit) மற்றும் உற்பத்தி தரவுகள் இந்த வார சந்தை போக்கை தீர்மானிக்கவுள்ளன. அதேசமயம் HUL-ன் காலாண்டு முடிவுகள் மற்றும் சர்வதேச அமெரிக்க நிறுவனங்களின் AI முதலீட்டு திட்டங்கள் IT துறையில் மாற்றத்தை ஏற்படுத்தலாம்.
இந்தியாவின் பொருளாதார சவால்கள்
இந்த வாரம் முக்கிய பொருளாதார தரவுகள் வெளியாகவுள்ள நிலையில் முதலீட்டாளர்கள் கவனமாக உள்ளனர். ஆகஸ்ட் மாத நிலவரப்படி, பிஸ்கல் டெபிசிட் பட்ஜெட் மதிப்பீட்டில் 41.9%-ஐ எட்டியுள்ளது. அரசாங்கம் மூலதனச் செலவுகளை (Capital Spending) 18.2% அதிகரித்தாலும், வருவாய் வளர்ச்சி 3.3% என்ற அளவில் மந்தமாகவே உள்ளது. எரிபொருள் மற்றும் உர மானியங்களுக்காக அரசாங்கம் செலவிடும் தொகை, ஆண்டு இலக்கான ₹16.96 லட்சம் கோடி-யை விட ₹1.4 லட்சம் கோடி அதிகரிக்க வாய்ப்புள்ளது.
மேலும், செப்டம்பர் மாத தொழிற்சாலை உற்பத்தி (Factory Output) தரவுகள் பண்டிகை கால தேவையை பிரதிபலிக்கும். ஆகஸ்டில் உற்பத்தி 8% வளர்ந்திருந்தாலும், மூலப்பொருள் விலை உயர்வு மற்றும் சர்வதேச மந்தநிலை காரணமாக இந்த முறை வளர்ச்சி குறையலாம் என பொருளாதார நிபுணர்கள் கருதுகின்றனர்.
கவனிக்க வேண்டிய HUL ரிசல்ட்
FMCG துறையில் Hindustan Unilever-ன் இரண்டாம் காலாண்டு முடிவுகள் மிக முக்கியமானதாக பார்க்கப்படுகிறது. பாமாயில் மற்றும் கச்சா எண்ணெய் விலை 2-5% அதிகரித்திருப்பது கம்பெனியின் லாப வரம்பை (Profit Margin) பாதிக்கலாம். இந்த இக்கட்டான சூழலில், கம்பெனி தனது விற்பனை அளவை (Volume Growth) தக்கவைக்குமா என்பதுதான் முதலீட்டாளர்களின் மிகப்பெரிய கேள்வியாக உள்ளது.
உலக சந்தை தாக்கம்
சர்வதேச அளவில் அமெரிக்காவின் 10-Year Treasury Yields சுமார் 5%-ல் நீடிப்பதால், US Federal Reserve மற்றும் Bank of Japan-ன் வட்டி விகித முடிவுகள் உற்று நோக்கப்படுகின்றன. முக்கியமாக, Microsoft மற்றும் Cognizant போன்ற நிறுவனங்களின் AI முதலீட்டு திட்டங்கள், இந்திய IT துறையில் பெரிய தாக்கத்தை ஏற்படுத்தும். இவர்களின் செலவு கணிப்புகள் மாறினால், Nifty IT இன்டெக்ஸில் அதிக ஏற்ற இறக்கங்களை எதிர்பார்க்கலாம்.