BRICS பொது நாணயம் திட்டம் இல்லையா? இந்தியாவின் அதிரடி விளக்கம்

டெல்லியில் நடைபெற்ற 18-வது BRICS உச்சி மாநாட்டில், உலக நிதிச் சந்தையில் பெரும் எதிர்பார்ப்பை ஏற்படுத்தியிருந்த 'பொதுவான நாணயம்' (Common Currency) குறித்த வதந்திகளுக்கு மத்திய வெளியுறவுத்துறை அமைச்சகம் முற்றுப்புள்ளி வைத்துள்ளது. இப்போதைக்கு அத்தகைய திட்டம் ஏதுமில்லை என்பது உறுதியாகியுள்ளது.

மாற்று வழி என்ன?

ஒரே நாணயம் என்பது நடைமுறைக்கு சாத்தியமில்லை என்பதால், 'லோக்கல் கரன்சி டிரேட் செட்டில்மென்ட்' (Local-currency trade settlements) என்ற நடைமுறைக்கு BRICS நாடுகள் முக்கியத்துவம் கொடுக்கின்றன. இதன் மூலம் அமெரிக்க டாலர் போன்ற மூன்றாம் தரப்பு நாணயங்களைச் சார்ந்திருக்காமல், அந்தந்த நாட்டு நாணயங்களிலேயே இறக்குமதி, ஏற்றுமதி செய்ய முடியும். இது சர்வதேச வர்த்தகத்தில் செலவுகளை வெகுவாகக் குறைக்கும்.

டிஜிட்டல் பேமெண்ட் புரட்சி

இந்தத் திட்டத்தை செயல்படுத்த BRICS Payment Task Force களமிறங்கியுள்ளது. இந்தியாவின் UPI மாடலை போல, மற்ற நாடுகளின் பேமெண்ட் சிஸ்டம்களை ஒருங்கிணைத்து, சர்வதேச அளவில் டிஜிட்டல் பரிவர்த்தனைகளை வேகமாகவும், வெளிப்படையாகவும் மாற்ற இந்த அமைப்பு முயன்று வருகிறது.

முதலீட்டாளர்கள் கவனத்திற்கு...

இந்த மாற்றம் இந்திய வணிகர்களுக்கு பெரும் சாதகமாக அமையலாம். இருப்பினும், டாலர் சாராத வர்த்தகத்தில் எக்ஸ்சேஞ்ச் ரேட் வாலட்டிலிட்டி (Exchange-rate volatility) எனப்படும் நாணய மதிப்பு ஏற்ற இறக்கம் மிகப்பெரிய சவாலாக இருக்கும். மேலும், சில உறுப்பு நாடுகளின் நாணயங்களில் பணப்புழக்கம் (Liquidity) குறைவாக இருப்பது மற்றும் வர்த்தக சமநிலையின்மை (Trade imbalance) ஆகியவை கவனிக்கப்பட வேண்டிய விஷயங்கள். இந்த பேமெண்ட் சிஸ்டம் எவ்வளவு திறம்பட செயல்படுகிறது என்பதைப் பொறுத்தே எதிர்கால லாபம் அமையும்.